Select Your Language

Notifications

webdunia
webdunia
webdunia
webdunia

नरेंद्र मोदींच्या निवासस्थानी बॉलिवूड; शाहरुख खान, आमीर खान, कंगना रानौतचा पंतप्रधानांसोबत सेल्फी

नरेंद्र मोदींच्या निवासस्थानी बॉलिवूड; शाहरुख खान, आमीर खान, कंगना रानौतचा पंतप्रधानांसोबत सेल्फी
, सोमवार, 21 ऑक्टोबर 2019 (10:26 IST)
पंतप्रधान नरेंद्र मोदींनी शनिवारी (19 ऑक्टोबर) दिल्लीमध्ये शाहरूख खान, आमीर खान आणि कंगना रानौतसह चित्रपट आणि कलाक्षेत्रातील अनेक दिग्गजांची भेट घेतली. पंतप्रधानांनी त्यांच्यासोबत गांधी विचारांवर चर्चा केली.
 
चित्रपटाच्या माध्यमातून महात्मा गांधींचे विचार आणि त्यांच्या जीवन मूल्यांचा प्रचार-प्रसार करण्याचं आवाहन पंतप्रधानांनी या सर्व कलाकारांना भेटीदरम्यान केलं. तरूणांना गांधी विचारांशी जोडण्यासाठी कलाकारांनी मदत करावी, असंही पंतप्रधानांनी म्हटलं.
 
पंतप्रधानांनी म्हटलं, की चित्रपट हे संगीत आणि नृत्याच्या माध्यमातून समाजाला जोडण्याचं एक महत्त्वपूर्ण साधन बनलं आहे.
 
शाहरूख खान, आमीर खान, कंगना रानौत, जॅकलीन फर्नांडिस, एकता कपूर, इम्तियाज अली, अनुराग बसू, बोनी कपूर, सोनम कपूर यांच्यासह सिनेक्षेत्रातील अनेक दिग्गजांनी या कार्यक्रमाला उपस्थिती लावली.
webdunia
पंतप्रधानांना भेटून सर्वच कलाकर उत्साहित होते.
 
आमीर खाननं म्हटलं, "पंतप्रधान मोदींसोबतची ही भेट मस्त झाली. त्यांचे विचार ऐकून खूप छान वाटलं. त्यांचं व्यक्तिमत्त्व प्रेरणादायक आहे."
 

webdunia
दिग्दर्शक इम्तियाज अलीनं म्हटलं, "गांधीजींवर चित्रपट बनविण्याची कल्पना फिल्म इंडस्ट्रीसाठी खूप महत्त्वाची आहे. कारण त्यांचे विचार समजून घेण्याची एक संधी मिळू शकते. आपण सारखं गांधी-गांधी असं म्हणतो, पण त्यांच्या विचारांपर्यंत पोहोचत नाही. आपण गांधी विचारांकडे परत जाऊ शकतो. ही परिवर्तनाची सुरूवात असेल."
 
पंतप्रधान नरेंद्र मोदींनी कलाकारांसोबत साधलेल्या संवादात सर्व कलाकारांना दांडीमध्ये बनलेल्या गांधी म्युझियमला भेट देण्याचं आवाहन केलं. पंतप्रधान मोदींनी म्हटलं, "तुम्ही सर्वांनी स्टॅच्यू ऑफ युनिटीलाही भेट द्यायला हवी. इथं देशातूनच नाही तर परदेशातूनही लोक येतात."

Share this Story:

वेबदुनिया वर वाचा

मराठी ज्योतिष लाईफस्टाईल बॉलीवूड मराठी बातम्या

Follow Webdunia marathi

पुढील लेख

धनंजय मुंडे भाऊ-बहिणीच्या नात्याची जाणीव ठेवायला हवी होती