पेट्रोलचे दर वाढू लागले

देशभरात पेट्रोल आणि डिझेलच्या दरांमध्ये वाढ होण्यास सुरुवात झाली आहे. चार महानगरांसह अन्य शहरांत शुक्रवारी पेट्रोल आणि डिझेलचे दर प्रतिलीटर अनुक्रमे 14 आणि 17 पैशांनी वाढले.

यामुळे मुंबईत पेट्रोल 77 रुपये लिटर झाले आहेत तर एक लिटर डिझेलसाठी आता 69.63 रुपये द्यावे लागणार आहेत. महाराष्ट्र टाइम्सनं ही बातमी दिली आहे.

नवी दिल्लीमध्ये पेट्रोलचा दर 71.39 रुपये तर डिझेलचा दर 66.45 रुपये नोंदवण्यात आला.

निवडणुकीच्या पार्श्वभूमीवर सरकारी इंधन कंपन्यांनी इंधन दरवाढ टाळली होती. उलटपक्षी, गेल्या 10 मेनंतर पेट्रोलचे दर 1.80 रुपयांनी तर डिझेलचे दर 63 पैशांनी कमी झाले होते.

या दरांनी आता विरुद्ध दिशेने प्रवास सुरू केल्याचे दिसत आहे. निवडणुकीचा अखेरचा टप्पा संपल्यानंतर पेट्रोलच्या दरात एकूण 22 तर डिझेलच्या दरात 35 पैशांनी वाढ झाली आहे.