धोली धोली येथे कलिंग युद्ध झाले होते. महाराज अशोकाच्या मनात येथेच बौद्ध धर्माचे बीजारोपण झाले होते. येथील मूर्तीही देखण्या आहेत. बाराबाटी किला चौदाव्या शतकात निर्माण केलेला हा किल्ला आकर्षक, सुंदर आणि
अनोख्या हस्तकलेसाठी प्रसिद्ध आहे. काथाजोडी नदीच्या किनारी असलेल्या या किल्ल्यात काही पौराणिक मंदिरांचे अवशेष आहेत. या मंदिरात भगवान जगन्नाथाची मूर्ती होती. परंतु, मुगल राजा फिरोज शहा तुघलकने ती फोडली होती. कटकमध्ये प्रामुख्याने दुर्गा देवीची पूजा केली जाते.
कसे पोहचाल?
कटकजवळच भुवनेश्वर येथे विमानतळ असून येथून देशातील विविध ठिकाणी विमानसेवा उपलब्ध आहे.
रस्तामार्ग-
कटक शहरापासून राष्ट्रीय महामार्ग क्रमांक- 5 जात असल्यामुळे पर्यटकांना येथे पोहचण्यास सोपे आहे.
रेल्वेमार्ग-
चेन्नई ते कोलकातापर्यंत जाणार्या रेल्वेमार्गावर कटक आहे.