India Tourism : 25 डिसेंबरला जगभरात ख्रिसमस साजरा केला जातो. तसेच नवीन वर्ष सुरू होण्यापूर्वी सर्वत्र ख्रिसमसचा सण मोठ्या थाटामाटात साजरा केला जातो. ख्रिसमस हा लहान मुलांचा आवडता सण असून जगभरात मोठ्या उत्साहात हा सण साजरा केला जातो. या काळात शाळा, महाविद्यालये, कार्यालयांना सुट्ट्या असतात. अशा परिस्थितीत तो साजरा करण्याची मजाही द्विगुणित होते.
तसेच मध्य प्रदेशातील एका चर्चमध्ये या दिवशी भव्य उत्सव साजरा केला जातो. हे चर्च मध्य प्रदेशची राजधानी भोपाळमध्ये आहे. भोपाळचे सर्वात जुने कॅथोलिक चर्च ख्रिसमसच्या उत्सवासाठी खूप प्रसिद्ध आहे. येथे ख्रिसमसच्या रात्री 12 वाजता येशूचा वाढदिवस अनोख्या पद्धतीने साजरा केला जातो. येथे लहान मुलांकडून केक कापला जातो. यानंतर सर्वजण एकमेकांचे अभिनंदन करतात आणि प्रार्थना देखील करतात. या दिवशी लोक दिवसभर चर्चमध्ये येत असतात.
तसेच भोपाळमधील या चर्चमध्ये रात्री 12 वाजता लोक येशूचा वाढदिवस साजरा करतात. यावेळी त्यांच्या जन्माचा देखावा तेथे दाखवला जातो. यानंतर सर्वजण देवाची प्रार्थना करतात आणि एकमेकांना मिठी मारतात आणि अभिनंदन करतात. त्याचबरोबर लहान मुलांकडून केक कापून मोठ्या थाटामाटात हा सण साजरा केला जातो. सर्वांना प्रसाद दिला जातो आणि मुलांना सांताक्लॉजकडून भेटवस्तूही मिळतात.
कॅथोलिक चर्च भोपाळ जावे कसे?
भोपाळ हे शहर मध्यप्रदेशची राजधानी असून अनेक शहरांना जोडलेले आहे. तसेच भोपाळ जंक्शन देखील अनेक रेल्वे मार्गांना जोडलेला आहे. स्टेशवरुन कॅप किंवा टॅक्सीच्या मदतीने चर्च पर्यंत पोहचता येते. विमान मार्गाने जायचे असल्यास भोपाळ येथे विमानतळ असून तिथून टॅक्सीच्या मदतीने चर्च पर्यंत सहज पोहचता येते. तसेच भोपाळ शहराला जोडलेला हायवे अनेक शहरांना जोडतो यामुळे खासगी वाहन किंवा बसच्या मदतीने भोपाळ शहरात पोहचून चर्च पर्यंत नक्कीच पोहचता येते.
