IRCTC Vaishno Devi Package उन्हाळ्यात आपण सर्वजण कुठेतरी जाण्याचे बेत आखत असाल तर ही बातमी आपल्या कामाची ठरेल. जर तुम्ही या उन्हाळ्यात जम्मू-काश्मीरला जाण्याचा विचार करत असाल आणि वैष्णोदेवीला जायचे असेल तर त्यासाठी तुम्ही भारतीय रेल्वेचे स्वस्त टूर पॅकेज घेऊ शकता.
रेल्वेकडून माँ वैष्णो देवीच्या दर्शनासाठी स्वस्त टूर पॅकेज देण्यात येत आहे. यामध्ये प्रवाशाला निवास, प्रवास आणि भोजनाची सोय करण्यात येणार आहे. इतकेच नाही तर या योजनेत विमा देखील समाविष्ट आहे. इंडियन रेल्वे केटरिंग अँड टुरिझम कॉर्पोरेशनच्या या वैष्णोदेवी पॅकेजबद्दल जाणून घ्या-
भारतीय रेल्वे केटरिंग अँड टुरिझम कॉर्पोरेशनच्या अधिकृत साइटवर IRCTC कडून अनेक प्रकारचे टूर पॅकेज उपलब्ध आहेत, त्यापैकी एक वैष्णोदेवी टूर पॅकेज आहे. NDR01 कोडसह वैष्णोदेवी पॅकेज वेबसाइटवर सूचीबद्ध आहे. 3 रात्री आणि 4 दिवसांचा या पॅकेजमधील प्रवास 21 मे 2024 पासून सुरू होईल.
भारतीय रेल्वेच्या वैष्णोदेवी टूर पॅकेजची किंमत वेगळी आहे, जी हॉटेलच्या खोलीतील मुक्कामानुसार वेगवेगळ्या दरांसह ऑफर केली जाते. जर तुम्हाला खोलीत एकटे राहायचे असेल तर यासाठी किंमत जास्त आहे. तर, जर खोली दोन किंवा तीन लोकांसह सामायिक केली असेल तर, टूर पॅकेजची किंमत प्रति व्यक्ती कमी पडेल.
जसे की सिंगलसाठी 10395 रुपये, डबलसाठी 7855 रुपये, ट्रिपलसाठी 6795 रुपये, मुलं (05-11 वर्ष) बेड 6160 रुपये, मुलं (05-11 वर्ष) बेडशिवाय 5145 रुपये, राहणे, खाणे-पिणे आणि ये-जा करणे देखील सामील आहे.
दिल्लीपासून सुरु होऊन जम्मू/कटरा पर्यंत डेस्टिनेशन असलेले वैष्णोदेवी पॅकेजमध्ये तिकीटाची किंमत, रस्ते वाहतुकीतील कॅब, हॉटेलमध्ये मुक्काम, सकाळ आणि संध्याकाळचे जेवण, विमा इतर सामील आहे. या वैष्णो देवी पॅकेजबद्दल अधिक माहितीसाठी, तुम्ही अधिकृत साइटला भेट देऊन IRCTC Vaishno Devi Package बद्दल जाणून घेऊ शकता.
