भारतात जन्माष्टमीला भेट देण्यासारखी ठिकाणे

यावर्षी श्रीकृष्ण जन्माष्टमी उत्सव 26 ऑगस्टला साजरा करण्यात येणार आहे. या सणाचा उत्साह पूर्ण भारतवर्षात पाहावयास मिळतो. भारतात  जन्माष्टमी मोठ्या धुमधडाक्यात साजरी करतात. सोमवारी येणाऱ्या जन्माष्टमीच्या दिवशी जर तुम्हाला फिरायला जायचे असेल तर खाली दिलेल्या या स्थळांना नक्की भेट द्या. जन्माष्टमीचा उत्सव फक्त मथुरा- वृंदावनच नाही तर गुजरात, मुंबई आणि केरळ सारख्या ठिकाणी भव्य साजरा केला जातो. तसेच भारतातील प्रमुख ठिकाणी देखील हा उत्सव मोठ्या आनंदाने साजरा करण्यात येतो. जर तुम्ही श्रीकृष्णांचे भक्त असाल तर या स्थळांना नक्कीच भेट द्या. 

मथुरा-वृंदावन उत्तर प्रदेश- 

वृंदावन हे भगवान श्रीकृष्णाचे जन्मस्थान आहे, त्यामुळे येथे एक वेगळेच सौंदर्य पाहायला मिळते. वृंदावनमध्ये जन्माष्टमीचा उत्सव 10 दिवस आधीच सुरू होतो. तसेच विविध प्रकारच्या फुलांनी मंदिरे सजवली जातात. दिवसभर भजने आणि कीर्तने गायली जातात. संपूर्ण वातावरण भक्तिमय झालेले असते. म्हणजे इथे आल्यानंतर तुम्हाला एक वेगळीच शांतता जाणवेल.   जन्माष्टमीला भेट देण्यासाठी हे एक उत्तम ठिकाण आहे.

व्दारका गुजरात-

गुजरातमधील व्दारका येथे भगवान श्रीकृष्णाचे पौराणिक मंदिर आहे. तसेच मथुरा सोडल्यानंतर ते द्वारकेलाच आले. गुजरातचे द्वारकाधीश मंदिर अप्रतिम आहे. तसेच या मंदिरात वर्षभर भाविक येत असले तरी जन्माष्टमीच्या निमित्ताने जगभरातून भाविकांची मोठी गर्दी होते. मंदिराला भेट देण्यासोबतच आजूबाजूला अनेक ठिकाणे आहेत जिथे तुम्ही भेट देऊ शकता.

पुरी ओडिसा-

पुरी ओडिसामध्येही मथुरा-वृंदावनप्रमाणेच जन्माष्टमीचा उत्सव आठवडाभर आधीच सुरू होतो. इथे भगवान श्रीकृष्णाच्या जीवनावर आधारित विशेष कार्यक्रम आयोजित केले जातात. तसेच त्यांचे तक्ते काढले जातात. रात्री होणारी आरती पाहण्याचा एक वेगळाच आनंद असतो. याशिवाय पुरीमध्ये इतरही अनेक ठिकाणे आहेत जिथे तुम्ही भेट घेऊ शकता.

मुंबई महाराष्ट्र- 

जन्माष्टमीनिमित्त मुंबईत होणारी दही-हंडी देशातच नव्हे तर जगभरात प्रसिद्ध आहे. तसेच दादर, वरळी, ठाणे, लालबागची दहीहंडी पाहण्यासाठी जगभरातून लोक येतात. स्वप्नांची नगरी असलेल्या मुंबईत फिरण्यासारख्या अनेक पर्यटनस्थळे आहे.

गुरुवायु मंदिर, केरळ

गुरुवायु मंदिर केरळच्या त्रिशूर जिल्ह्यात आहे. ज्याला हिंदूंचे तीर्थ देखील म्हणतात. या मंदिरात श्रीकृष्णाच्या बालरूपाची पूजा केली जाते. मान्यतेनुसार हे मंदिर बृहस्पति आणि वायुदेव यांनी बांधले होते. तसेच या कारणास्तव या मंदिराला गुरुवायु मंदिर असे नाव देण्यात आले. तसेच इथेही श्री कृष्ण जन्माष्टमीचे दर्शन असे आहे की त्याचा अनुभव तुम्हाला वर्षानुवर्षे लक्षात राहील आणि भारतात भेट देण्याच्या ठिकाणांमध्ये केरळ पहिल्या स्थानावर आहे.