बॉलिवूड अभिनेत्री हेजल बरोबर टीम इंडियाचा धडाकेबाज क्रिकेटर युवराज सिंगचा साखरपुडा झाला असून सूत्रांनी दिलेल्या माहितीनुसार, बुधवारी दिवाळीच्या मुहूर्तावर युवराजने बाली येथे साखरपुडा उरकला. सांगण्यात येत आहे की, युवराज हेजलला ङ्खार दिवसांपासून डेट करत होता. हे दोघेही हरभजनसिंगच्या रिसेप्शनमध्ये बरोबर दिसले होते. युवराजचे लग्न फतेहगड येथील हंसालीवाला गुरुद्वारामध्ये पारंपरिक पद्धतीने होणार आहे. या नंतर युवराज आपल्या जवळच्या काही मंडळींसाठी चंदिगड येथे एका पार्टीचे आयोजन करणार आहे. यानंतर तो काही मित्र आणि नातलगांसाठी दिल्ली येथे रिसेप्शन पार्टीचेही आयोजन करणार आहे. युवराज आपल्या 34 व्या वाढदिवसाच्या दुसर्‍या दिवशी म्हणजेच 13 डिसेंबरला लग्न करणार असल्याचे वृत्त काही दिवसांपूर्वी प्रसिद्ध झाले होते. मात्र एका जवळच्या व्यक्तीचे निधन झाल्याने त्याने लग्नाची तारीख पुढे ढकलली.
