हॉलिवूडचा मेगास्टार श्वार्जनेगर अरनॉल्ड दिग्दर्शक शंकर यांच्या ‘रोबोट’ या चित्रपटाच्या सिक्वेलमध्ये सुपरस्टार रजनीकांतसोबत एकत्र काम करणार असल्याचे स्पष्ट झाले असून भारतीय चित्रपट इतिहासात पहिल्यांदाच अशी गोष्ट घडणार आहे. याबाबत मिळालेल्या माहितीनुसार या दोन बडय़ा स्टारना एकत्र पाहण्याचा योग जुळवला जात असून यापूर्वी हृतिक रोशनला बरोबर घेऊन रजनीकांत ‘रोबोट 2’ हा चित्रपट पूर्ण करणार होते.
पण आता हृतिकची जागा श्वार्जनेगर अरनॉल्ड भरुन काढणार आहे. काही दिवसांपूर्वीच श्वार्जनेगर अरनॉल्ड भारतात आले होते तेव्हा त्यांनी रजनीकांतसोबत काम करण्याची इच्छा व्यक्त केली होती.
