बॉ‍लिवूडची अभिनेत्री मल्लिका शेरावतविरुद्ध राष्ट्रध्वजाचा अवमान केल्याबद्दल गुन्हा दाखल करण्यात आला. हैदराबादमधील कोर्टाने आदेश दिल्यानंतर फलकनुमा पोलिस ठाण्यात मल्लिकाविरुद्ध गुन्हा दाखल करण्यात आला.
मल्लिकाने आपल्या आगामी 'डर्टी पॉलिटिक्स' या चित्रपटामध्ये राष्ट्रध्वजाचा अवमान केला असल्याचा आरोप करण्यात आला आहे. दोन याचिकाकर्त्यांनी मल्लिका विरोधात याचिका दाखल केली होती. या याचिकेवरूनच कोर्टाने तिच्याविरोधात गुन्हा दाखल करण्याचे आदेश पोलिसांना दिले आहे.
मल्लिकाच्या 'डर्टी पॉलिटिक्स'चे गेल्या काही दिवसांपूर्वी पोस्टर लॉन्च झाले. लालदिवा असलेल्या एका गाडीवर मल्लिका बसली असल्याचे या पोस्टरवर दिसत आहे. विशेष म्हणजे तिने आपल्या अंगावर राष्ट्रध्वज परिधान केला असल्याचे दाखवण्यात आले आहे. या पोस्टरवरूनच तिच्याविरोधात गुन्हा दाखल करण्यात आला.
