आमिर खानच्या लाल सिंह चड्ढा या चित्रपटाचा ट्रेलर रिलीज

नवी दिल्ली : बॉलिवूड अभिनेता आमिर खानच्या 'लाल सिंह चड्ढा' या चित्रपटाचा ट्रेलर रविवारी रिलीज झाला. यामध्ये करीना कपूर आमिर खानसोबत दिसत आहे. ट्रेलर खूपच मजेशीर आहे आणि त्याला चाहत्यांचा उदंड प्रतिसाद मिळत आहे.

 या ट्रेलरमध्ये आमिरच्या व्यक्तिरेखेचा बालपण ते तारुण्याचा प्रवास दाखवण्यात आला आहे. तो कधी शीख लूकमध्ये तर कधी आर्मी शिपायाच्या गेटअपमध्ये दिसत होता. अभिनेत्री मोना सिंगने आमिरच्या आईची भूमिका साकारली होती. 

अद्वैत चंदन दिग्दर्शित या चित्रपटात आमिर खान आणि करीना कपूर व्यतिरिक्त नागा चैतन्य, मोना सिंग यांसारख्या स्टार्सनी काम केले आहे. हा चित्रपट हॉलिवूड सुपरस्टार टॉम हँक्सच्या फॉरेस्ट गंपचा हिंदी रिमेक आहे.

हा चित्रपट 11 ऑगस्टला सिनेमागृहात प्रदर्शित होणार आहे. ट्रेलर पाहून प्रेक्षकांच्या चेहऱ्यावर हसू उमटले आणि मनात भावनिक वादळ उठले.