ज्येष्ठ अभिनेते मनोज कुमार यांचे निधन, वयाच्या ८७ व्या वर्षी घेतला अखेरचा श्वास

Bollywood News: ज्येष्ठ बॉलिवूड अभिनेते मनोज कुमार आता या जगात राहिले नाहीत. वयाच्या ८७ व्या वर्षी या अभिनेत्याने जगाचा निरोप घेतला आहे. त्यांच्या निधनाने बॉलिवूडमध्ये शोककळा पसरली आहे.

ज्येष्ठ भारतीय अभिनेते आणि चित्रपट दिग्दर्शक मनोज कुमार यांचे निधन झाले आहे. त्यांच्या देशभक्तीपर चित्रपटांनी प्रत्येकाच्या हृदयात एक विशेष स्थान निर्माण केले. 'भारत कुमार' म्हणून ओळखले जाणारे मनोज कुमार यांनी शुक्रवारी कोकिलाबेन धीरूभाई अंबानी रुग्णालयात अखेरचा श्वास घेतला. वयाच्या ८७ व्या वर्षी या अभिनेत्याने जगाचा निरोप घेतला. भारतीय चित्रपटसृष्टीतील त्यांच्या अमूल्य योगदानासाठी बॉलिवूड त्यांना नेहमीच लक्षात ठेवेल. पद्मश्री आणि दादासाहेब फाळके पुरस्कार विजेते मनोज कुमार यांचे निधन भारतीय चित्रपटसृष्टीसाठी खूप मोठे नुकसान आहे. वयाशी संबंधित आरोग्य समस्यांमुळे मनोज कुमार यांनी आज पहाटे ३:३० वाजता अखेरचा श्वास घेतला. गेल्या काही आठवड्यांपासून ते रुग्णालयात दाखल होते. रुग्णालय व्यवस्थापनाने ही माहिती दिली आहे.

Edited By- Dhanashri Naik