बॉलिवूडचे प्रतिभावान अभिनेते राजकुमार राव आणि पत्रलेखा विवाहबंधनात अडकले आहेत. गेल्या अनेक दिवसांपासून दोघांच्या लग्नाची तयारी जोरात सुरू होती. या लग्नसोहळ्याला अनेक सेलिब्रिटींनी हजेरी लावली होती. दोघांच्या लग्नाच्या फोटोंचा सोशल मीडियावर बोलबाला आहे.
राजकुमार रावने त्याच्या इंस्टाग्रामवर लग्नाचे फोटो शेअर केले आहेत. फोटो शेअर करताना अभिनेत्याने लिहिले की, “अखेर 11 वर्षांच्या प्रेम, मैत्री आणि मस्तीनंतर मी माझ्याकडे असलेल्या सर्व गोष्टींसह लग्न केले. माझा सोबती, माझा सर्वात चांगला मित्र, माझे कुटुंब. आज माझ्यासाठी नवरा म्हणवून घेण्यापेक्षा आनंदी काहीही नाही."
राजकुमार आणि पत्रलेखा यांचा विवाह चंदीगडमधील एका लक्झरी रिसॉर्टमध्ये झाला. 'द अबोरॉय सुखविलास स्पा' असे या आलिशान रिसॉर्टचे नाव आहे. या हॉटेलमध्ये खाजगी पूल, आयुर्वेदिक कार्यक्रम आणि सीजनर कूशीन आहे.
पत्रलेखा आणि राजकुमार त्यांच्या एंगेजमेंटमध्ये व्हाइट आउटफिटमध्ये दिसले होते. पांढऱ्या आउटफिटमध्ये दोघेही खूप रॉयल दिसत होते. त्यांच्या लग्नाला कुटुंबीय आणि जवळचे मित्र उपस्थित होते. राजकुमार रावने पत्रलेखाला मांडीवर बसवून प्रपोज केले. प्रत्युत्तरात पत्रलेखानेही गुडघ्यावर बसून त्यांचा प्रस्ताव स्वीकारला होता. दोघांनी रोमँटिक डान्सही केला. या सोहळ्याला फराह खान, हुमा कुरेशी, साकिब सलीमसह अनेक सेलिब्रिटींनी हजेरी लावली होती. या सोहळ्याचे अनेक फोटो सोशल मीडियावर व्हायरल झाले आहेत.
राजकुमार आणि पत्रलेखा गेल्या 11 वर्षांपासून रिलेशनशिपमध्ये आहेत. दोघेही सोशल मीडियावर एकमेकांवरील प्रेम व्यक्त करतात. राजकुमार कितीही व्यस्त असला तरी पत्रलेखासोबत वेळ घालवण्याची संधी तो कधीच सोडत नाही. आजही ते पत्रलेखाला पत्रे लिहितात. दोघांनी 'सिटीलाइट'मध्ये एकत्र काम केले होते.
