चित्रपटसृष्टीतून अत्यंत दु:खद बातमी आली आहे. छत्तीसगड चित्रपटसृष्टीतील प्रसिद्ध खलनायक सूरज मेहर याचा रस्ता अपघातात मृत्यू झाला आहे. त्यांच्या निधनाच्या बातमीने त्यांच्या चाहत्यांना धक्का बसला आहे. सुरजचा अपघाती मृत्यू झाला.
सूरज मेहर उर्फ नारद मेहर एका चित्रपटाच्या शूटिंगवरून परतत होते. त्यानंतर बिलाईगडमधील सरसावा येथे त्यांची स्कॉर्पिओ पिकअप व्हॅनला धडकली. हा अपघात एवढा मोठा होता की एका झटक्यात जागीच अभिनेत्याचा मृत्यू झाला. बुधवारी रात्री हा अपघात झाला. हा अपघात झाला तेव्हा सूरज मेहर त्याच्या पुढच्या 'आखरी फैसला' या चित्रपटाच्या शूटिंगवरून परतत होते. त्यांच्या निधनाच्या वृत्ताने संपूर्ण इंडस्ट्रीत शोककळा पसरली आहे.
छत्तीसगढ़ी खलनायक म्हणून सूरज मेहरला चांगली ओळख मिळाली. ते सारिया बिलाईगड गावचे रहिवासी होते. सूरजने अनेक चित्रपटांमध्ये खलनायकाची भूमिका साकारली आहे. 10 एप्रिल, बुधवारी ओडिशातील भथाली येथे त्यांची एंगेजमेंट होणार होती, असे सांगण्यात येत आहे. आणि एंगेजमेंटच्याच दिवशी एका अपघातात त्याला आपला जीव गमवावा लागला.
