रेमो डिसूझाच्या 'एबीसीडी' चित्रपटात दिसलेली अभिनेत्री आणि नृत्यांगना लॉरेन गॉटलीबने गुपचूप लग्न केले आहे. लॉरेनने तिचा दीर्घकाळचा जोडीदार टोबियास जोन्सशी ११ जून रोजी इटलीमध्ये ख्रिश्चन धर्मानुसार एका खाजगी समारंभात लग्न केले.
लॉरेनचा पती लंडनस्थित व्हिडिओ निर्माता आणि दिग्दर्शक आहे. या जोडप्याने त्यांचे लग्न खूप खाजगी ठेवले. जवळचे कुटुंबीय आणि मित्र त्यांच्या लग्नाला उपस्थित होते. लॉरेन आणि टोबियासच्या लग्नाचे फोटो सोशल मीडियावर व्हायरल होत आहे. छायाचित्रांमध्ये लॉरेन पांढऱ्या रंगाच्या गाऊनमध्ये खूपच सुंदर दिसत आहे. या खास प्रसंगी टोबियास जोन्स काळ्या रंगाचा सूट आणि बूट घातलेला दिसत आहे.
रेमो डिसूझाच्या 'एबीसीडी' चित्रपटात लॉरेन डान्सर म्हणून दिसली होती. याशिवाय ती 'एबीसीडी २' मध्येही दिसली होती. लॉरेन 'झलक दिखला जा ६' या डान्स शोची रनर-अप होती. तिने अनेक म्युझिक व्हिडिओंमध्ये काम केले आहे.
Edited By- Dhanashri Naik
