'ऐ दिल है मुश्कील' या चित्रपटाच्या प्रदर्शनाला कोणताही अडथळा येऊ दिला जाणार नाही असे आश्वासन केंद्र आणि महाराष्ट्र सरकारने चित्रपट निर्माता करण जोहर यांना दिले आहे. केंद्रीय गृहमंत्री राजनाथ सिंह आणि मुख्यमंत्री देवेंद्र फडणवीस यांनी याबाबत करण जोहर आणि चित्रपटसृष्टीतील शिष्टमंडळाशी स्वतंत्रपणे झालेल्या बैठकीत आश्वासन दिले आहे. याआधी फिल्म अँड टेलिव्हीजन प्रोड्युसर्स गिल्ड ऑफ इंडियाचे अध्यक्ष मुकेश भट्ट व निर्माते अपूर्व मेहता यांच्यासह शिष्टमंडळाने राजनाथ सिंह यांची भेट घेतली.
हा चित्रपट २८ ऑक्टोबरला प्रदर्शित होत आहे. या चित्रपटात फवाद खान हा पाकिस्तानी कलावंत असल्यामुळे महाराष्ट्र नवनिर्माण सेनेने प्रदर्शित होऊ दिला जाणार नाही अशी धमकी दिली आहे.
