अक्षय कुमारला राष्ट्रीय पुरस्कार मिळाल्यानंतर त्याचे चाहते विविध मार्गांनी सध्या आनंद व्यक्त करत आहेत. दिग्दर्शक शंकर शण्मुघम यांनी ट्विटरवरुन अक्षयला मिळालेल्या यशाबद्दल त्याचे अभिनंदन करत आगामी ‘रोबोट २.०’ या चित्रपटातील त्याचा नवा लूक दाखवणारा फोटो पोस्ट केला आहे. ‘रोबोट २.०’ या चित्रपटामध्ये अक्षयसोबत सुपरस्टार रजनीकांत सुद्धा मुख्य भूमिकेत दिसणार आहेत. सध्या या चित्रपटाच्या पोस्ट प्रॉडक्शनचे काम सुरु असून यंदाच्या वर्षी दिवाळीच्या मुहूर्तावर चित्रपट प्रदर्शित होणार असल्याचे म्हटले जात आहे. या चित्रपटामध्ये अक्षय डॉ. रिचर्ड या खलनायकाच्या भूमिकेत दिसणार आहे.