पुष्पा 2 मध्ये झालेल्या चेंगराचेंगरीत एका महिलेचा मृत्यू झाल्याप्रकरणी अभिनेता अल्लू अर्जुनला अटक करण्यात आली असून त्याला आता 14 दिवसांची कोठडी सुनावण्यात आली आहे. तेलुगू सुपरस्टार अल्लू अर्जुनला शुक्रवारी हैदराबादमध्ये त्याच्या ब्लॉकबस्टर चित्रपट 'पुष्पा 2: द राइज'च्या प्रीमियरदरम्यान झालेल्या चेंगराचेंगरीप्रकरणी अटक करण्यात आली. प्रतिष्ठित संध्या थिएटरमध्ये झालेल्या चेंगराचेंगरीत 39 वर्षीय महिलेचा मृत्यू झाला आणि तिचा अल्पवयीन मुलगा गंभीर जखमी झाला. हैदराबाद पोलीस अधिकारी अल्लू अर्जुनच्या घरी पोहोचले आणि कडक सुरक्षेत त्याला आणि त्याच्या वैयक्तिक अंगरक्षकाला ताब्यात घेतले.
संध्या थिएटरमधील महिलेच्या मृत्यूप्रकरणी अल्लू अर्जुनच्या अटकेची पुष्टी करताना, एसीपी चिक्कडपल्ली एल रमेश कुमार म्हणाले की, अभिनेत्याला आज चौकशीसाठी चिक्कडपल्ली पोलीस ठाण्यात आणण्यात आले. न्यायमूर्तींनी सोमवारपर्यंत अटक टाळण्याचे आदेश मागितले आणि पोलिसांना दुपारी अडीच वाजेपर्यंत माहिती देण्यास सांगितले. सध्या या अभिनेत्याला पोलीस ठाण्यातून गांधी रुग्णालयात नेण्यात आले आहे. त्यानंतर त्याला न्यायालयात हजर केले जाण्याची शक्यता आहे.
हैदराबादच्या संध्या थिएटरमध्ये अभिनेता आल्यानंतर गोंधळ उडाला. अल्लू अर्जुनविरुद्ध चार कलमांखाली गुन्हा दाखल करण्यात आला आहे. भारतीय न्यायिक संहिता (BNS) कलम 118(1) अंतर्गत, शिक्षा एक वर्ष ते दहा वर्षांपर्यंत असू शकते.
अल्लू अर्जुनचे आगमन होताच त्याला पाहण्यासाठी उत्सुक असलेल्या चाहत्यांनी प्रवेशद्वाराकडे धाव घेतली. जमावाला नियंत्रणात आणण्यासाठी तैनात पोलिसांनी परिस्थिती नियंत्रणात आणण्यासाठी लाठीचार्ज केला. या घटनेनंतर मृताच्या कुटुंबीयांनीही थिएटर आणि अभिनेत्याविरोधात तक्रार दाखल केली होती. रेवती असे या गदारोळात मृत्यू झालेल्या महिलेचे नाव आहे.महिला आपल्या दोन मुलांसह प्रीमिअर शो बघण्यासाठी आलेली होती .
