आशुतोष राणा आणि रेणुका शहाणे यांचा विवाह २५ मे २००१ रोजी झाला. अभिनेत्याने त्यांच्या लग्नाच्या वाढदिवसानिमित्त एक पोस्ट शेअर केली आहे. यामध्ये हे जोडपे त्यांच्या २५ व्या लग्नाच्या वाढदिवसानिमित्त दुसऱ्यांदा विवाहबद्ध होताना दिसत आहे. त्यांनी एकमेकांना हार घातले. लग्नाला आशुतोष राणा आणि रेणुका शहाणे यांचे दोन्ही मुलगे आणि जवळचे मित्र उपस्थित होते आणि वातावरण खूप आनंदी होते. अभिनेत्याने व्हिडिओ आणि फोटोंसोबत आपल्या वैवाहिक जीवनातील आठवणींना उजाळा देणारी एक भावनिक पोस्टही लिहिली आहे. या पोस्टमध्ये, आशुतोष राणाने आपला आनंद व्यक्त केला आणि रेणुका शहाणे यांच्याशी विवाह झाल्याबद्दल स्वतःला भाग्यवान मानले. त्यांनी आपल्या पत्नीसोबतच्या २५ वर्षांच्या सुंदर आठवणीही शेअर केल्या. अभिनेत्याने पती-पत्नी म्हणून त्यांच्या नात्याबद्दलही सविस्तर लिहिले. या पोस्टनंतर, आशुतोष राणा आणि रेणुका शहाणे यांचे अनेक चाहते त्यांना लग्नाच्या वाढदिवसानिमित्त शुभेच्छा देत आहे.
