अयान मुखर्जीचा बहुप्रतिक्षित चित्रपट 'ब्रह्मास्त्र' अखेर प्रदीर्घ प्रतिक्षेनंतर प्रदर्शित झाला. पहिल्याच दिवशी या चित्रपटाला लोकांचा उदंड प्रतिसाद मिळाला आहे. या चित्रपटाने पहिल्याच दिवशी जगभरात 75 कोटींची कमाई केली आहे.
या चित्रपटात रणबीर कपूर आणि आलिया भट्ट मुख्य भूमिकेत आहेत. यासोबतच या चित्रपटात शाहरुख खानचाही एक कॅमिओ आहे असा अंदाज लोक बराच काळ वर्तवत होते. लोकांचे अंदाज अगदी बरोबर निघाले आहेत. या चित्रपटात शाहरुखने खास भूमिका साकारली आहे. या चित्रपटातील शाहरुख खानची भूमिका लोकांना पसंत पडत आहे. मोहन भार्गव या अभिनेत्याने साकारलेल्या व्यक्तिरेखेला प्रेक्षक भरभरून दाद देत आहेत.
सोशल मीडियावर त्याचे कौतुक करताना एका चाहत्याने लिहिले की, 'शाहरुखचा चाहता असल्याचा मला अभिमान आहे.त्याचवेळी एका यूजरने लिहिले की, 'संपूर्ण चित्रपट एका बाजूला आणि शाहरुखचा कॅमिओ एका बाजूला.' दुसर्‍या यूजरने लिहिले की, "बर्‍याच काळानंतर एसआरकेला स्क्रीनवर अॅक्शन करताना पाहून रोमांचित झालो."
‘ब्रह्मास्त्र’मध्ये रणबीर आलियाशिवाय अमिताभ बच्चन, नागार्जुन आणि मौनी रॉय यांच्याही महत्त्वाच्या भूमिका आहेत. या चित्रपटात रणबीर शिव नावाच्या व्यक्तीची भूमिका साकारत आहे. चित्रपटाचे बजेट 410 कोटी आहे. अयान मुखर्जीने याचे दिग्दर्शन केले आहे. यापूर्वी त्याने 'वेक अप सिड' आणि 'ये जवानी है दिवानी' सारखे चित्रपट दिग्दर्शित केले आहेत.
विशेष म्हणजे अयानच्या तिन्ही चित्रपटांमध्ये रणबीर कपूरने मुख्य भूमिका साकारली आहे. चित्रपटाला पहिल्याच दिवशी मिळालेल्या उदंड प्रतिसादाने 'ब्रह्मास्त्र'च्या संपूर्ण टीमच्या चेहऱ्यावर हसू फुलले आहे. तीन दिवसांत हा चित्रपट 100 कोटींचा टप्पा सहज पार करेल, अशी शक्यता वर्तवली जात आहे.
