मुंबई - अभिनेते रजत बेदी यांच्या कारखाली चिरडून जखमी झालेल्या राजेश दूत यांचा मृत्यू झाल्याची बातमी येत आहे. गंभीर जखमी अवस्थेत त्यांना अंधेरीच्या कूपर रुग्णालयात दाखल केल्यावर त्यांच्यावर उपचार सुरू होते. यानंतर बेदी यांच्यावर अटकेची कारवाई केली जाणार असल्याचे पोलिसांचे म्हणणे आहे.
काय घडले?
अभिनेता रजत बेदी स्वतः कार चालवत होता. रस्ता पार करत असलेले राजेश धूत यांना त्याच्या कारने जोरदार धडक दिली. नंतर रजत बेदीने स्वतः धूत यांना जवळच्या कूपर हॉस्पिटलमध्ये दाखल केले. पोलिसांना या घटनेची माहिती मिळाल्यानंतर ते कूपर हॉस्पिटलमध्ये पोहोचले. मात्र रजत बेदी तिथून निघून गेला होता.
रजत बेदीने अपघातग्रस्त व्यक्तीला रुग्णालयात दाखल केलं असून त्याच्या उपचाराचा सर्व खर्च करणार असल्याचं म्हटलं होतं. सोमवारी संध्याकाळी साडेसहा वाजता शितलादेवी मंदिराजवळ रजत बेदींच्या कारची जोरदार धडक कचरावेच राजेश दूत यांना बसली होती.
