शूटिंग करताना प्रसिद्ध अभिनेत्याचा मृत्यू

चित्रपटसृष्टीतून एक अत्यंत दुःखद बातमी समोर आली आहे. प्रसिद्ध अभिनेते राहुल यांचे निधन झाले आहे. शूटिंगदरम्यान ते पाण्यात बुडाले. क्रू मेंबर्सनी त्यांना तातडीने रुग्णालयात दाखल केले, परंतु त्यांना वाचवता आले नाही. सोशल मीडियावर शोककळा पसरली आहे.

प्रसिद्ध बंगाली अभिनेते राहुल अरुणोदय बॅनर्जी यांचे रविवारी (२९ मार्च) एका अपघातात निधन झाले. एका मालिकेच्या चित्रीकरणादरम्यान दिघा येथे त्यांचा मृत्यू झाल्याचे वृत्त आहे. या बातमीने संपूर्ण चित्रपटसृष्टीत शोककळा पसरली आहे. दरम्यान, त्यांच्या पत्नीची एक भावनिक पोस्ट व्हायरल होत आहे, जी वाचून सर्वांच्या डोळ्यात अश्रू आले.

मिळालेल्या वृत्तानुसार, राहुल त्याच्या आगामी 'भोले बाबा पार करेगा' या टेलिव्हिजन मालिकेच्या चित्रीकरणासाठी तलसरीला आला होता. रविवार सकाळपासूनच युनिट कामात व्यस्त होते. क्रू मेंबर्सनी सांगितले की, दुपारी चित्रीकरण संपल्यावर राहुल एकटाच समुद्राच्या लाटांमध्ये उतरला. त्यानंतर थोड्याच वेळात तो खोल पाण्यात दिसेनासा झाला, ज्यामुळे घटनास्थळी उपस्थित असलेल्या प्रोडक्शन टीममध्ये खळबळ उडाली.

सह-अभिनेता दिगंत बागची यांनी तो भयानक प्रसंग आठवून सांगितले, "शूटिंगनंतर तो पाण्यात गेला, पण अचानक खाली कशाततरी अडकला. त्याला बुडताना पाहून लोकांनी आरडाओरडा केला. क्रू मेंबर्सनी तात्काळ पाण्यात उडी मारून त्याला बाहेर काढले आणि १०-१२ किलोमीटर दूर असलेल्या दिघा उपविभागीय रुग्णालयात नेले. पण सायंकाळी ६:१० च्या सुमारास डॉक्टरांनी त्याला मृत घोषित केले."

Edited By - Priya Dixit