बॉलिवूड ॲक्शन हिरो टायगर श्रॉफ अली अब्बास जफर दिग्दर्शित 'बडे मियाँ छोटे मियाँ' या सायन्स फिक्शन ॲक्शन फिल्ममध्ये शेवटचा दिसला होता. या चित्रपटाने फार काही चालले नाही.
टायगर श्रॉफने सोमवारी सकाळी त्याच्या ‘बागी’ फ्रँचायझीच्या चौथ्या भागाची घोषणा केली, ज्याचे दिग्दर्शन ए. हर्ष करणार आहे आणि हा ॲक्शन चित्रपट 5 सप्टेंबर 2025 रोजी थिएटरमध्ये प्रदर्शित होणार आहे.
टायगरने त्याच्या इंस्टाग्राम हँडलवर चित्रपटाचे पोस्टर शेअर केले आहे. पहिली झलक पाहता टायगर एका ‘ब्लडी मिशन’वर काम करत असल्याचे दिसते. पोस्टरमध्ये तो टॉयलेट सीटवर चाकू आणि दारूची बाटली घेऊन बसलेला दिसत आहे. भिंतीवर, जमिनीवर आणि त्याच्या चेहऱ्यावर रक्ताचे डाग आहेत.
या चित्रपटाचे दिग्दर्शक ए. हर्षा कन्नड चित्रपट “बिरुगली”, “चिंगारी”, “भजरंगी”, “अंजनी पुत्र” आणि “वेधा” बनवण्यासाठी ओळखला जातो. टायगर श्रॉफबद्दल सांगायचे तर, त्याने ॲक्शन रोमँटिक कॉमेडी 'हीरोपंती' मधून त्याच्या अभिनय कारकिर्दीची सुरुवात केली.
साजिद नाडियादवाला दिग्दर्शित या चित्रपटात क्रिती सेनन मुख्य भूमिकेत आहे. यानंतर तो 'बागी', 'अ फ्लाइंग जट', 'मुन्ना मायकल', 'बागी 2', 'स्टुडंट ऑफ द इयर 2', 'वॉर', 'बागी 3', 'हिरोपंती-2' आणि ' गणपत' सारख्या चित्रपटात दिसला
