Publish Date: Mon, 08 Jun 2020 (07:01 IST)
Updated Date: Mon, 08 Jun 2020 (07:03 IST)
बेंगलुरू कन्नड चित्रपट अभिनेता चिरंजीवी सरजा यांचे रविवारी शहरातील रुग्णालयात हृदयविकाराच्या झटक्याने निधन झाले. तो फक्त 39 वर्षांचा होता.
त्याच्या कुटुंबीयांनी सांगितले की, शनिवारी चिरंजीवीला श्वास घ्यायला त्रास होत होता आणि रविवारी दुपारी त्याला खासगी रुग्णालयात नेण्यात आले पण त्याला वाचवता आले नाही.
प्रसिद्ध कन्नड अभिनेता शक्ती प्रसाद यांचे नातू आणि बहुभाषिक चित्रपट अभिनेता अर्जुन सरजा यांचे पुतणे चिरंजीवी सरजा यांनी २२ चित्रपटांमध्ये भूमिका केल्या. चिरंजीवीने वायुपुत्र या चित्रपटाद्वारे चित्रपटसृष्टीत पदार्पण केले.
त्याचा शेवटचा चित्रपट 'शिवार्जुन' होता ज्यात त्याने अमृता अय्यंगार आणि अक्षता श्रीनिवास यांच्यासह मुख्य भूमिका साकारल्या. त्याने 2 वर्षांपूर्वी अभिनेत्री मेघना राजशी लग्न केले.
मुख्यमंत्री बी.एस. येडियुरप्पा यांनी चिरंजीवी सर्जा यांच्या निधनाबद्दल शोक व्यक्त करत ते म्हणाले की तो एक लोकप्रिय अभिनेता होता. काँग्रेसचे ज्येष्ठ नेते सिद्धरामय्या यांनीही अभिनेत्याच्या मृत्यूवर शोक व्यक्त केला.
