बॉलिवूडचा सुप्रसिद्ध निर्माता-दिग्दर्शक करण जोहर आज त्याचा 50 वा वाढदिवस साजरा करत आहे. काल रात्री त्याने त्याच्या घरी एक छोटीशी पार्टी आयोजित केली होती, जिथे त्याचे काही जवळचे मित्र मध्यरात्री उत्सव साजरा करण्यासाठी आले होते. रात्री उशिरा पापाराझींनी गौरी खान, महीप कपूर, फराह खान आणि सीमा सचदेव यांना करण जोहरच्या इमारतीजवळ आपल्या कॅमेऱ्यात टिपले. करण जोहरने आपला 50 वा वाढदिवस संस्मरणीय बनवण्यासाठी अनेक व्यवस्था केल्या होत्या.
करण जोहरने आपल्या पार्टीतील खाद्यपदार्थांची विशेष काळजी घेतल्याचे ही वृत्त आहे करण जोहरने सेलिब्रिटी शेफला त्याच्या वाढदिवसाला जेवण आणि मिठाईसाठी घरी बोलावले होते. करण जोहरच्या इमारतीत प्रवेश करताच सोनेरी रंगाचे फुगेही दिसले. या फुग्यांवर काळ्या अक्षरात वाढदिवसाच्या शुभेच्छा KJo असे लिहिले होते. यावेळी पार्टीचे फोटो आणि व्हिडिओ सोशल मीडियावर चांगलेच व्हायरल होत आहेत.
शाहरुख खानची पत्नी गौरी खान या पार्टीत एकटीच आली होती. शाहरुख आला नाही या पार्टीत सोहेले खानची माजी पत्नीही एकटी पोहोचली होती. फराह खानने संजय कपूरची पत्नी महीप कपूरसोबत पार्टीत प्रवेश केला. करण जोहरचा खास मित्र अपूर्व मेहता आणि त्याची पत्नी आणि अयान मुखर्जीही या पार्टीत सहभागी झाले होते.करण जोहरने सलमान खान, दीपिका पदुकोण, रणवीर सिंग आणि आलिया भट्ट-रणबीर कपूर यांनाही त्याच्या 50 व्या वाढदिवसासाठी आमंत्रित केले होते.
