कपूर कुटुंबाची मुलगी रीमा कपूर आणि जावई मनोज जैन यांचा मुलगा अरमान जैन आणि अनिसा मल्होत्रा जैन यांना पहिल्या अपत्याची अपेक्षा आहे. नुकताच या जोडप्याचा बेबी शॉवर सोहळा पार पडला. यामध्ये अरमानची चुलत बहीण अभिनेत्री करीना कपूर खाननेही सहभाग घेतला होता. करिनाने इंस्टाग्रामवर अनीसासोबतचा एक फोटो शेअर केला आहे. या फोटोमध्ये आई आणि करीना खूपच सुंदर दिसत आहेत.
अनिसा मल्होत्रा जैन आणि अरमान जैन यांचे फेब्रुवारी 2020 मध्ये लग्न झाले होते. त्यांच्या लग्नाच्या रिसेप्शनला बॉलिवूड सेलिब्रिटींनी हजेरी लावली. आता हे जोडपे जवळपास 3 वर्षांनंतर आपल्या पहिल्या बाळाचे स्वागत करण्यासाठी सज्ज झाले आहे. अशात या दाम्पत्यासोबतच कुटुंबातील सदस्यही त्यांच्या होणाऱ्या बाळाबद्दल खूप खूश आहेत.
करीना कपूर खानने तिच्या इंस्टाग्राम स्टोरीवर एक फोटो पोस्ट केला आहे. ज्यामध्ये ती तिच्या वहिनी अनिसा मल्होत्रा जैनसोबत पोज देताना दिसत आहे. अनिसाच्या बेबी शॉवरसाठी करिनाने राखाडी रंगाचा एथनिक सूट निवडला ज्यामध्ये सुंदर भरतकाम होते. तिच्या लूकमध्ये करीनाने तिचे केस मागच्या बाजूस बनमध्ये बांधले आहेत आणि कपाळावर बिंदी लावून ती खूपच सुंदर दिसत आहे. तर आई होणारी अनीसा मल्होत्रा जैन चमकदार निळ्या नक्षीदार साडीमध्ये खूप सुंदर दिसत आहे. अनिसाने गळ्यात गुलाबाची माळ घातली होती आणि करिनासोबत पोज देताना ती खूपच सुंदर दिसत होती.
फोटो शेअर करताना, करीना कपूर खानने लाल हार्ट इमोजीसह "Gorgious mamma to be" असे लिहिले. फोटोच्या पार्श्वभूमीवर शम्मी कपूरची पत्नी नीला देवीही दिसत आहे.
