Rahul-Athiya Wedding :राहुल-अथिया लग्न सोहळा आज

भारतीय संघाचा क्रिकेटपटू केएल राहुल आणि सुनील शेट्टीची लाडकी मुलगी अथिया शेट्टी आज विवाहबंधनात अडकणार आहेत. या दोघांच्या लग्नाची सर्व तयारी पूर्ण झाली असून इतकंच नाही तर खंडाळा येथील सुनील शेट्टी यांचा बंगलाही सजवण्यात आला आहे.

केएल राहुल आणि अथिया शेट्टीच्या लग्नासाठी मांडव सजला आहे आणि लग्नाची तयारी पूर्ण झाली आहे. आज केएल राहुल आणि अथिया शेट्टी लग्नबंधनात अडकणार आहेत. 23 जानेवारी ही तारीख आहे जेव्हा हे जोडपे सात फेरे घेऊन आयुष्यभर एकत्र राहण्याची शपथ घेऊन एकमेकांशी लग्न करतील.

केएल राहुल आणि अथियाच्या संगीताचे काही फोटो आणि व्हिडिओ सोशल मीडियावर प्रचंड व्हायरल होत आहेत. ज्यामध्ये दोघेही डान्स करत आहेत. याशिवाय इतर पाहुणेही संगीतात जोरदार नाचताना दिसत आहेत.

फक्त लग्नच नाही तर लग्नाशी संबंधित प्रत्येक विधी खूप खास असणार आहे. अथिया शेट्टी आणि केएल राहुलच्या लग्नात दक्षिण भारतीय जेवण ठेवण्यात आले आहे. अहवालानुसार, लग्नातील पाहुण्यांना ताटात नाही तर पारंपारिक दक्षिण भारतीय शैलीत केळीच्या पानांवर जेवण दिले जाईल.

अथिया आणि केएल राहुलने त्यांच्या खास दिवसासाठी लाल नव्हे तर पांढरा आणि सोनेरी रंगाचा वेडिंग ड्रेस फायनल केला आहे. दोघेही सब्यसाची डिझाईन केलेले पोशाख घालणार आहे. 

Edited By- Priya Dixit