बॉलिवूड अभिनेता अजय देवगण सध्या त्याच्या 'सिंघम अगेन' चित्रपटामुळे चर्चेत आहे. दरम्यान, अजय देवगणने त्याच्या 'रेड' या हिट चित्रपटाच्या सिक्वेलची रिलीज डेट जाहीर केली आहे. त्याने 'रेड 2'चे पोस्टर सोशल मीडियावर शेअर केले आहे.
यापूर्वी हा चित्रपट नोव्हेंबर 2024 मध्ये प्रदर्शित होणार असल्याचे सांगण्यात आले होते, परंतु नंतर तो पुढे ढकलण्यात आला. आता राज कुमार गुप्ता दिग्दर्शित 'रेड 2' पुढील वर्षी 1 मे रोजी थिएटरमध्ये दाखल होणार आहे.
अजयने इंस्टाग्रामवर लिहिले, आयआरएस अमेय पटनायकचे पुढील मिशन मे 2025 पासून सुरू होईल. Raid 2 चित्रपट 1 मे 2025 रोजी रिलीज होणार आहे. Raid 2 चित्रपटाची निर्मिती भूषण कुमार, कुमार मंगत पाठक, अभिषेक पाठक आणि कृष्ण कुमार यांनी केली आहे. हा चित्रपट गुलशन कुमार आणि टी-सीरीज प्रस्तुत करत आहेत आणि पॅनोरमा स्टुडिओची निर्मिती आहे.
Raid 2 मध्ये अजय देवगण व्यतिरिक्त रितेश देशमुख, वाणी कपूर आणि रजत कपूर मुख्य भूमिकेत दिसणार आहेत. हा चित्रपट 2018 मध्ये रिलीज झालेल्या अजय देवगणच्या 'रेड' या सुपरहिट चित्रपटाचा सिक्वेल आहे.
