दिवंगत गायक सिद्धू मूसेवालाचे नवीन गाणे रिलीज झाले आहे. त्यांच्या निधनानंतर प्रदर्शित झालेले हे सातवे गाणे आहे. या गाण्याचे नाव आहे '410'. सनी माल्टनने त्याच्या यूट्यूब चॅनलवर हे रिलीज केले आहे. लोकांना हे गाणं खूप आवडतंय. गाण्याचे व्ह्यूज झपाट्याने वाढत आहेत.
हे गाणे सिद्धू मूसेवाला आणि सनी माल्टन यांनी लिहिले आहे. हे तीन मिनिटे 51 सेकंदाचे गाणे आहे, जे सिद्धू आणि सनी यांनी एकत्र गायले आहे. विशेष म्हणजे या गाण्याच्या व्हिडिओमध्ये सिद्धू मूसेवालाही दिसत आहे. सिद्धूला पाहून त्याचे चाहते भावूक होत आहेत. ते त्यांच्या प्रतिक्रिया सोशल मीडियावर शेअर करत आहेत आणि मूसवालाबद्दलचे प्रेमही व्यक्त करत आहेत. या गाण्याला आतापर्यंत 51 लाखांहून अधिक व्ह्यूज मिळाले आहेत.
सिद्धू मूसेवाला यांनी 29 मे 2022 रोजी जगाचा निरोप घेतला. पुढच्याच महिन्यात 23 जून 2022 रोजी त्याचे पहिले गाणे 'SYL' रिलीज झाले. त्याचे दुसरे गाणे 'वॉर' 8 नोव्हेंबर 2022 रोजी रिलीज झाले. तिसरे गाणे 'मेरा ना' 7 एप्रिल 2023 रोजी रिलीज झाले.मूसेवालाच्या चौथ्या गाण्याचे शीर्षक 'चोर्नी' होते, जे 7 जुलै 2023 रोजी रिलीज झाले होते. 'वॉचआउट' हे त्यांचे पाचवे गाणे होते. हे 12 नोव्हेंबर 2023 रोजी प्रसिद्ध झाले. सिद्धूचे सहावे गाणे 'ड्रिपी' 2 फेब्रुवारी 2024 रोजी रिलीज झाले.
