सोनाक्षी सिन्हा तिचा प्रियकर झहीर इक्बालसोबत आज २३ जून रोजी लग्नगाठ बांधणार आहे. आज दोघांचे नोंदणीकृत लग्न होणार आहे. यानंतर संध्याकाळी शिल्पा शेट्टीच्या रेस्टॉरंटमध्ये रिसेप्शन पार्टीचे आयोजन केले जाईल.
मीडिया रिपोर्ट्सनुसार, सोनाक्षी आणि झहीर वांद्रे पश्चिम येथील अभिनेत्रीच्या अपार्टमेंटमध्ये त्यांच्या लग्नाची नोंदणी करत आहेत.
अभिनेत्री सोनाक्षी सिन्हाचा बेस्ट फ्रेंड आणि रॅपर यो यो हनी सिंगही लग्नासाठी मुंबईत पोहोचला आहे. समोर आलेल्या व्हिडिओमध्ये तो 'मी लग्नात दारू न पिऊन डान्स करेन' असे म्हणताना दिसत आहे.
सोनाक्षी सिन्हासोबतच्या लग्नापूर्वी झहीर इक्बाल मुंबईतील एका मशिदीत गेले असून त्याचा व्हिडीओ सोशल मीडियावर व्हायरल झाला आहे.
सोनाक्षी सिन्हा आणि झहीर इक्बाल मशिदीत जातानाचा व्हिडिओ सोशल मीडियावर येताच चाहत्यांनी या जोडप्यावर प्रश्न उपस्थित करण्यास सुरुवात केली. हा विवाह मुस्लीम धर्मात होतोय की हिंदू धर्मात असा सवाल चाहते करत आहेत.
सोनाक्षी सिन्हा आणि झहीर इक्बाल यांच्या लग्नाच्या रिसेप्शनमध्ये सुमारे एक हजार पाहुणे उपस्थित राहणार आहेत. ही पार्टी शिल्पा शेट्टीच्या रेस्टॉरंट बास्टनमध्ये होणार आहे.23 जूनच्या संध्याकाळी होणाऱ्या रिसेप्शनमध्ये बॉलीवूड स्टार्ससह 'हिरमंडी'ची स्टारकास्टही सामील होणार आहे.
