अभिनेत्याचे घरी गुदमरून निधन

Junior Balaiah मल्याळम अभिनेत्री डॉ. प्रिया आणि रेंजुषा मेनन यांच्या आकस्मिक निधनानंतर दक्षिण भारतीय चित्रपटसृष्टीतून आणखी एक दु:खद बातमी समोर येत आहे. तमिळ चित्रपटसृष्टीतील सुप्रसिद्ध अभिनेता ज्युनियर बलैयाचा यांचे आज गुदमरून निधन झाले आहे. या बातमीने संपूर्ण साउथ इंडस्ट्रीमध्ये शोककळा पसरली आहे. चाहत्यांपासून ते अनेक सेलिब्रिटी या अभिनेत्याला श्रद्धांजली वाहत आहे. 

तमिळ अभिनेता ज्युनियर बलैयाचा गुदमरून मृत्यू झाला

तामिळ अभिनेते ज्युनियर बलैया यांचे चेन्नई येथील राहत्या घरी निधन झाले. ज्युनियर बलैयाने करकट्टाकरण, गोपुरा वसलील आणि सुंदरकंडमसह शंभरहून अधिक चित्रपटांमध्ये काम केले होते. बलैयाने 2010 च्या दशकात तमिळ चित्रपटांमध्ये अनेक चांगल्या भूमिका साकारल्या आहेत. सट्टाई (2012) चित्रपटात मुख्याध्यापकाच्या भूमिकेसाठी अभिनेत्याचे कौतुक झाले. अभिनेत्याची ही भूमिका चाहत्यांना खूप आवडली.

अभिनेत्याने वयाच्या 70 व्या वर्षी अखेरचा श्वास घेतला

मीडिया रिपोर्ट्सनुसार आज संध्याकाळी अभिनेत्याचे अंत्यसंस्कार केले जातील. ज्युनियर बलैया यांच्या अंत्यसंस्काराची अधिक माहिती अद्याप उपलब्ध नाही.  ज्युनियर बलय्याचे जन्माचे नाव रघु बलय्या होते. ते तामिळ चित्रपटसृष्टीतील प्रसिद्ध अभिनेते टीएस बलैया यांचे पुत्र होते. 28 जून 1953 रोजी जन्मलेल्या ज्युनियर बलैयाने चित्रपटांपूर्वी काही नाटकांमध्ये काम केले होते.

चित्रपटांव्यतिरिक्त तो टीव्ही शोमध्येही दिसले

चित्रपटांव्यतिरिक्त अभिनेता चिठी, वझाकई आणि चिन्ना पापा पेरिया पापा यासह टेलिव्हिजन शोमध्ये देखील दिसले होते. 2019 मध्ये अजित कुमारच्या नेरकोंडा पारवाई आणि पिंकच्या तमिळ रिमेकमध्ये दिसले होते. ज्युनियर बलैयाचा शेवटचा चित्रपट येनंगा सर उंगा सट्टम होता, जो 2021 मध्ये प्रदर्शित झाला होता. यानंतर या अभिनेत्याने काही काळ इंडस्ट्रीपासून दुरावले. आता त्यांच्या निधनाच्या बातमीने चाहत्यांना धक्का बसला आहे.