सैराट’ पाहून बॉलिवूडचा परफेक्शनिस्ट अभिनेता आमिर खानने ट्विटरच्या माध्यमातून आपल्या भावनांना वाट मोकळी करुन दिली आहे.
‘नुकताच सैराट पाहिला. माझे हृदय हेलावून गेले आहे. चित्रपटाच्या शेवटाच्या धक्कयातून अजून सावरतोय.’ असे आमिरने ट्विटमध्ये म्हटले आहे.
ट्विटमधून आमिरने दिग्दर्शक नागराज मंजुळे, संगीतद्वयी अजय अतुल, अभिनेत्री रिंकू राजगुरु, अभिनेता आकाश ठोसर यांच्यासह सहायक भूमिकेत असलेल्या तानाजी गालगुंडे आणि अरबाज शेख या गुणी अभिनेत्यांचंही कौतुक केले आहे.
सैराटच्या सर्व कलाकार आणि तंत्रज्ञांचे अभिनंदन, असे आमिरने ट्विटमध्ये म्हटले आहे. आमिरने अद्यापही ‘सैराट’ न पाहिलेल्या प्रेक्षकांना सिनेमा पाहण्याचे आवाहन देखील केले आहे.
