साहित्य: एक मोठी वाटी काकडीचे बारीक तुकडे, तिखट १ चमचा, मीठ चवीप्रमाणे, मोहरी १/२ चमचा, मेथी १/४ चमचा, बडीशेप पाव चमचा, हिंग पाव चमचा, हळद पाव चमचा, साखर चिमूटभर, तेल दोन चमचे लिंबाचा रस दीड चमचा.
कृती: प्रथम काकडीचे बारीक तुकडे करून घ्यावे, अथवा चोचवून घ्यावी. त्या तुकडय़ांना हळद व मीठ लावून ठेवावे. मिक्सरमध्ये चिमूटभर मीठ घालून मोहरी, मेथी व बडीशेप यांची एकत्र पूड करून घ्यावी. व ती पूड काकडीला चोळावी, लगेच लिंबाचा रस चोळून घ्यावा. एका कढल्यात तेल, हिंग, मोहरीची फोडणी करून ती थंड झाल्यावर त्यात तिखट घालून सारखे करून ती फोडणी व मीठ काकडीच्या फोडींवर घालावे. थंड असलेल्या काकडीचा उन्हाळ्यात भाजी, कोशिंबीरीला उत्तम पर्याय.
