साहित्य : 2 किलो फणस, 100 शेंद मीठ, 100 ग्रॅम मोहरी, 50 ग्रॅम हळद, 100 ग्रॅम शोप, 50 ग्रॅम जिरं, 100 ग्रॅम तिखट व तेल अंदाजे.
कृती : सर्वप्रथम हाताला तेल लावून फणस सोलून घ्यावे व त्याचे तुकडे करावे. त्या तुकड्यांना काही वेळ पाण्यात ठेवावे. नंतर पाण्यातून काढून त्याला 5 मिनिट उकळावे. थंड झाल्यावर सर्व पाणी काढून त्या फोडीना उन्हात 2 तासासाठी वाळवावे. नंतर त्या तुकड्यांना मीठ लावून एका बरणीत भरून 2-3 दिवस उन्हात ठेवावे. व त्यात वर दिलेला मसाला वाटून घेऊन त्यात टाकून एकजीव करावे व बरणीला 2 दिवस पुन्हा ऊन दाखवावे. तिसऱ्या दिवशी त्या मसाल्यात तेल टाकून चांगले हालवून घ्यावे व बरणीत बंद करून 10-12 उन्हात ठेवल्यानंतर हे लोणचे उपयोगात आणावे.
