महाराष्ट्र राज्यात कोरोनाचे रुग्ण वाढत असतानाच मृतांचा आकडाही वाढायला सुरुवात झाली आहे. 12 एप्रिलला महाराष्ट्रात 9 कोरोना रुग्णांचा मृत्यू झाला आहे. तसंच दैनंदिन संख्येने 1 हजाराचा टप्पा ओलांडला आहे.
यामध्ये मुंबई, ठाणे, पुणे महापालिका, वसई विरार, आणि अकोला येथील रुग्णांचा समावेश आहे. राज्यातील सक्रिय रुग्णांची संख्या 5421 झाली आहे.
एनडीटीव्हीने ही बातमी दिली आहे.
कोरोना रुग्णांची संख्या धीम्या गतीने वाढत असली तरी गेल्या दोन दिवसांमध्ये राज्यात मोठ्या प्रमाणात रुग्ण आढळले आहेत. राज्यात मंगळवारी 919 रुग्णांची नोंद झाली होती, त्यात मुंबईत सर्वाधिक रुग्ण सापडले होते.
Published By -Smita Joshi
