महाराष्ट्रात कोविड-१९ चे ५९ नवीन रुग्ण आढळले, एकाचा मृत्यू

महाराष्ट्रात गुरुवारी कोरोना विषाणूचे ५९ नवीन रुग्ण आढळले आणि एका व्यक्तीचा मृत्यू झाला, असे आरोग्य विभागाने सांगितले. या वर्षी जानेवारीपासून राज्यात एकूण संक्रमितांची संख्या २,२२८ झाली आहे आणि मृतांची संख्या ३२ झाली आहे.

आरोग्य विभागाने सांगितले की, सांगली जिल्ह्यातील मिरज येथे रुग्णाचा मृत्यू झाला आहे. नवीन रुग्णांपैकी मुंबई आणि पुणे शहरात प्रत्येकी १३, चंद्रपूरमध्ये १०, पिंपरी चिंचवड ८, कोल्हापूरमध्ये ६, सातारा आणि नागपूरमध्ये प्रत्येकी २ आणि ठाणे, नवी मुंबई, पनवेल आणि सांगली शहरात तसेच त्याच्या ग्रामीण भागात प्रत्येकी १ अशी नोंद झाली आहे. 

आरोग्य विभागाने सांगितले की, जानेवारीपासून राज्यभरात २३,९२३ कोविड-१९ चाचण्या करण्यात आल्या आहे आणि आतापर्यंत १,८०७ रुग्ण बरे झाले आहे. मुंबईत संसर्गाचे एकूण ९१२ रुग्ण आढळले आहे, ज्यात मे महिन्यात ४३५ आणि जूनमध्ये ४७१ चा समावेश आहे. जानेवारी २०२५ पासून एकूण ३२ रुग्णांचा मृत्यू झाला आहे.

Edited By- Dhanashri Naik