एकीकडे राज्यातला करोनाबाधितांचा आकडा मोठ्या संख्येने वाढू लागलेला असताना दुसरीकडे पुण्यातही गंभीर परिस्थिती दिसू लागली आहे. पुण्यातही मुंबईच्याच संख्येमध्ये रुग्ण सापडल्याचं प्रशासनाच्या आकडेवारीवरून दिसून येत आहे. पुण्यात तब्बल १ हजार ५०४ नवे करोनाबाधित सापडले आहेत. मुंबईमध्ये हाच आकडा १ हजार ५०९ आहे. पुण्यातली एकूण रुग्णसंख्या आता २ लाख १३ हजार २५ इतकी झाली आहे.
दुसरीकडे पुण्यात दिवसभरात कोविडमुळे ७ रुग्णांचा मृत्यू झाला आहे. मुंबईत २४ तासांत ४ मृत्यूंची नोंद झाली आहे. पुण्यातल्या एकूण मृतांचा आकडा आता ४ हजार ९१७ इतका झाला आहे. मात्र, असं असताना एकूण बरे झालेल्या पुणेकरांचा आकडा १ लाख ९९ हजार ५६७ इतका झाला आहे.
