मनसे अध्यक्ष राज ठाकरे यांचे पुत्र आणि मनसे नेते अमित ठाकरे यांना कोरोनाची लागण झाली आहे. अमित ठाकरेंना कोरोनाची सौम्य लक्षणे आढळली असल्यांने कोरोना चाचणी केली होती. त्यांचा कोरोना रिपोर्ट पॉझिटिव्ह आला असल्यामुळे त्यांना लीलावती रुग्णालयात दाखल करण्यात आले आहे. अमित ठाकरेंची सध्या प्रकृती उत्तम असली तरी त्यांना खबरदारी म्हणून मुंबईतील लीलावती रुग्णालयात दाखल करण्यात आले आहे.
अमित ठाकरेंना यापूर्वीही ऑक्टोबर २०२० मध्ये थोडा ताप आल्यामुळे लीलावती रुग्णालया दाखल करण्यात आले होते. राज्यात कोरोना रुग्णांची संख्या आणि कोरोनाचा प्रादुर्भाव मोठ्या प्रमाणात वाढत असल्यामुळे अमित ठाकरेंना रुग्णालयात तज्ज्ञ डॉक्टरांच्या मार्फत उपचार केला जात आहे.
