Dhanteras 2023: धनत्रयोदशीच्या संध्याकाळी चुकूनही हे काम करू नका

Dhanteras 2023:दिवाळीचा सण वसू वारसे पासून सुरू होतो आणि धनत्रयोदशीच्या दिवशी धनाचे  स्वामी कुबेर आणि माता लक्ष्मीची पूजा केली जाते. या दिवशी सोने, चांदी किंवा भांडी खरेदी करणे खूप शुभ मानले जाते. या वेळी धनत्रयोदशीचा सण 10 नोव्हेंबर रोजी साजरा केला जाणार आहे. धनत्रयोदशीच्या संध्याकाळी काही अशी कामे आहेत जी चुकूनही करू नयेत. या गोष्टी केल्याने सुख-समृद्धी मध्ये बाधा येते आणि वर्षभर त्याचा त्रास होतो.चला कोणती कामे आहेत जी करू नये. 

धनत्रयोदशीच्या संध्याकाळी हे काम करू नका-

धनत्रयोदशीच्या दिवसापासून लक्ष्मीपूजन सुरू होते, त्यामुळे संध्याकाळी घर रिकामे ठेवू नका. अनेक वेळा धनत्रयोदशीच्या खरेदीमुळे लोक घराला कुलूप लावून बाहेर पडतात, असे करणे अशुभ मानले जाते. संध्याकाळच्या वेळी घरात कोणीतरी सदस्य असला पाहिजे आणि घराचे प्रवेश द्वार उघडे ठेवा.

संध्याकाळी या दिशेला यम दिवा लावा-

धनत्रयोदशीच्या दिवशी दक्षिण दिशेला दिवा लावायला विसरू नका. दिव्यात एक नाणे आणि कवडी ठेवा आणि नंतर दक्षिणेकडे तोंड करून पितरांचे ध्यान करा. असे केल्याने अकाली मृत्यूचे भय नाहीसे होऊन रोगमुक्त जीवन प्राप्त होते. तसेच पितरांचे स्मरण केल्याने घरात सुख, शांती आणि समृद्धी नांदते.

संध्याकाळी येथे पाच दिवे लावा-

धनत्रयोदशीच्या दिवशी पाच दिवे लावा आणि धनाची देवी लक्ष्मी देवीजवळ पूजेच्या खोलीत ठेवा. यानंतर प्रवेश दारा जवळ, विहीर, नळ, हातपंप अशा पाण्याची जागा प्रत्येकी एक दिवा लावावा. असे केल्याने घरात देवी लक्ष्मी वास करते आणि घरात कधीही धन आणि धान्याची कमतरता भासत नाही.

संध्याकाळी पैशांचे व्यवहार करू नका-

धनत्रयोदशीच्या संध्याकाळी कोणाशीही पैशाचा व्यवहार करू नये. धनत्रयोदशीच्या दिवशी देवी लक्ष्मीला घरी बोलावून पूजा केली जाते. त्यामुळे या दिवशी कोणाकडूनही पैसे घेऊ नका आणि देऊ नका. धनत्रयोदशीच्या दिवशी कोणताही पैशांचा व्यवहार केल्यास देवी लक्ष्मी येण्याऐवजी निघून जाते. त्यामुळे पैशाचे व्यवहार संध्याकाळी करू नयेत.

धणे खरेदी करा- 

धनत्रयोदशीच्या दिवशी संपूर्ण धणे खरेदी करायला विसरू नका. धणे हे समृद्धीचे प्रतीक मानले जाते, म्हणून धनत्रयोदशीच्या दिवशी धणे खरेदी करणे आवश्यक आहे. धनत्रयोदशीच्या पूजेच्या वेळी देवी लक्ष्मी आणि भगवान धन्वंतरी यांच्या चरणी धणे अर्पण करावेत, असे मानले जाते. यानंतर दिवाळीत लक्ष्मीपूजनात धण्याच्या समावेश करा. असे केल्याने वर्षभर धन-समृद्धी आणि सुख-समृद्धी राहते आणि भगवान कुबेरांचा आशीर्वाद राहतो.

लोखंडी वस्तू खरेदी करू नका - 

लोह हा शनिदेवाचा कारक मानला जातो. अशा परिस्थितीत धनत्रयोदशीच्या मुहूर्तावर लोखंडापासून बनवलेल्या वस्तू खरेदी करू नयेत. लोखंडी वस्तू विकत घेतल्यास भगवान कुबेरांचा आशीर्वाद मिळत नाही. 

स्टीलच्या वस्तू खरेदी करणे टाळा-

धनत्रयोदशीच्या दिवशी लोक स्टीलच्या वस्तू खरेदी करून त्यांच्या घरी आणतात. पण स्टील शुद्ध धातू नाही. मान्यतेनुसार त्यावर राहूचा प्रभाव जास्त असतो. धनत्रयोदशीच्या निमित्ताने तुम्ही स्टीलची वस्तू घेणे टाळा.

Edited by - Priya Dixit