त्याला जनार्दनचे मित्र माधव माथूर (ओमपुरी) यांचा स्वभाव मुळीच आवडत नसतो. त्यांचा घटस्फोट झालेला आहे. त्यांची आणखी एक लग्न करण्याची इच्छा असते.आणि ते या कामासाठी नेहमी जनार्दनला घेऊन जात असतात. या भानगडीत ते अनेकदा बिकट परिस्थितीत अडकलेले असतात आणि त्यांना यातून गौरवने बाहेर काढलेले असते. गौरवला अचानक एका मुलीचा फोन येण्यास सुरुवात होते. ती त्याची नेहमी काही ना काही खोड काढत असते. गौरव वैतागून त्या मुलीचा शोध लावतो, ती असते शिखा (जेनेलिया डिसूजा). ती गौरवचीच मैत्रीण असते. शिखा गार्जियन अनुराधा (शोभना) सोबत रहात असते. अनुराधा जनार्दनच्या आयुष्यात येऊन गेलेली असते.
गौरव आणि शिखा एकमेकांच्या जवळ येतात, अचानक एके दिवशी जनार्दन आणि अनुराधा यांची भेट होते. त्यांच्या हावभावावरून त्यांना या दोघांचा संशय येतो. यानंतर गौरव अनुराधा आणि जनार्धन यांचे लग्न लावून देण्याचा निश्चय करतात. अखेर अनेक संकटांचा सामना करत त्यांचे शुभमंगल होते. हे सगळे विनोदी पद्धतीने मांडण्याचा प्रयत्न दिग्दर्शकाने केला आहे.
