भारतीय हवाई दलाच्या मिग-21 ‘बायसन’ पंजाबमधील पतियाळा जिल्ह्यामधील शंबू गावाजवळ आज (मंगळवार)या विमानाचा अपघात झाला. या अपघातामधून वैमानिक बचावला असल्याचे सूत्रांनी सांगितले.
अंबाला येथे सराव सत्र चालू असताना नेहमीप्रमाणे या विमानाने उड्डाण केले व त्यानंतर विमान अपघातग्रस्त झाल्याची माहिती हवाई दलाच्या प्रवक्त्याने दिली. शंबू येथील एका शेतामध्ये विमान कोसळल्याचे पटियाला पोलिस निरीक्षक जी एस गिल यांनी सांगितले .
या अपघाताची हवाई दलातर्फे चौकशी करण्यात येणार आहे. पुन्हा एका मिग-21 विमानास अपघात झाल्याने आता या विमानांच्या सुरक्षिततेबाबत प्रश्नचिन्ह निर्माण होण्याची शक्यता सूत्रांनी वर्तविली आहे.
