या प्रकारे उभारा गुढी आणि करा पूजा

मंगळवार, 24 मार्च 2020 (10:26 IST)
गुढीची उंच काठी बांबू पासून तयार केली जाते. काठीला स्वच्छ धुऊन त्या काठीच्या वरच्या भागाला रेशमी वस्त्र किंवा साडी गुंडाळतात. 
काठीला कडुलिंबाची डहाळी आंब्याची पाने, फुलांचा हार, साखरेची गाठी बांधून त्यावर तांबा, पितळ, किंवा चांदीचे गडू, तांब्या किंवा फुलपात्र बसविले जाते. 
ज्या भागाला गुढी उभारायची आहे तिथली जागा स्वच्छ करून धुऊन पुसून घ्यावी.
त्यावर रांगोळी काढून पाट ठेवून गुढीची काठी ठेवली जाते. 
तयार केली गुढी दारात, उंच गच्चीवर, गॅलरीत लावतात.
गुढीची काठी नीट बांधून काठीला गंध, फुले, अक्षता वाहून गुढीची पूजा करतात. 
निरंजन लावून उदबत्ती ओवाळतात. 
दूध साखर पेढ्यांचा नैवेद्य दाखवतात. 
दुपारी गुढीला गोडधोडाचे नैवेद्य दाखवतात.
संध्याकाळी सूर्यास्ताच्या वेळीस परत हळद-कुंकू, फुले, अक्षता, वाहून गुढी उतरविली जाते. 
ह्या दिवशी आप्तेष्टांना नववर्षाचे अभीष्टचिंतन देखील केले जाते. 
काही काही ठिकाणी या दिवशी जत्रा देखील भरविली जाते.

वेबदुनिया वर वाचा

पुढील लेख Chaitra Navratri 2020 : कठिन पाठ करणे शक्य नसल्यास नवरात्रीत 9 दिवस जपा 1 सोपं मंत्र