साहित्य:- उभा चिरलेला कांदा ३ वाटी, भिजविलेली चणा डाळ अर्धी वाटी, तिखट, मीठ, हळद चवीनुसार, बारीक चिरलेली कोथिबीर ३ चमचे, हिरवी मिरची तुकडे अर्धा चमचा, कांदा मसाला १ चमचा, तेल १ डाव, मेथी दाणे अर्धा चमचा, फोडणीचे साहित्य.
कृती:- गॅसवर पातेल्यात गरम तेलात मोहरी तडतडल्यावर हिरवी मिरची तुकडे व मेथी दाणा घाला. नंतर कांदा, हळद, तिखट, मीठ व भिजलेली चणा डाळ घालून कांदा तेलात परता. गॅस कमी करून पातेल्यावर झाकणी झाका. झाकणीवर पाणी ठेवा. कांदा तेलात झाल्यावर थोडं पाणी (झाकणीवरचे) घाला. ही भाजी कोरडी न करता जरा सरसरीत रस्सा भाजी करा. कांदा मसाला घालून गॅस बंद करा. कोथिबीर घालून सर्व्ह करा.
