हिमाचलमधील 37 वर्षांचा विक्रम मोडणार का? सर्वेक्षणात भाजप मजबूत

हिमाचल प्रदेश विधानसभा निवडणूक 2022 ची तयारी सुरु झाली आहे. इतिहासावर नजर टाकली तर गेल्या 37 वर्षात कुठलाही पक्ष सलग दोन टर्म सत्तेत नव्हता, मात्र यावेळी हा विक्रम मोडीत निघेल अशी अटकळ बांधली जात आहे. एबीपी-सी व्होटरच्या सर्वेक्षणात भाजपची स्थिती मजबूत असल्याचे बोलले जात आहे. या सर्वेक्षणानुसार आगामी विधानसभा निवडणुकीत भाजपला 38 ते 46 जागा मिळू शकतात.

68 सदस्यीय विधानसभेत काँग्रेसला 20 ते 28 जागा मिळण्याचा अंदाज आहे. आम आदमी पार्टीला 1 जागा मिळू शकते, तर जास्तीत जास्त 3 जागा इतरांच्या खात्यात जाऊ शकतात. हिमाचल प्रदेशमध्ये शुक्रवारी निवडणुका जाहीर झाल्या आहेत. एकाच टप्प्यात 12 नोव्हेंबरला निवडणुका होणार असून 8 डिसेंबरला निकाल जाहीर होणार आहेत.

जय राम ठाकूर यांच्या बाजूने कल : या सर्वेक्षणानुसार सध्याचे मुख्यमंत्री जय राम ठाकूर यांच्या कामावर 38 टक्के लोक खूश आहेत. याउलट 33 टक्के लोक ठाकूर यांचे काम वाईट मानतात. 29 टक्के लोकांनी त्यांच्या कामाचे सरासरी मूल्यांकन केले. सरासरी आणि चांगले एकत्र घेतले तर जय राम ठाकूर यांचा वरचष्मा दिसतो.

जय राम ठाकूर हेही मुख्यमंत्रिपदासाठी बहुतांश लोकांची पहिली पसंती आहेत. 32 टक्के लोकांना त्यांना पुन्हा मुख्यमंत्री म्हणून पाहायचे आहे, तर 26 टक्के लोकांची अनुराग ठाकूर यांना पहिली पसंती आहे. हिमाचल काँग्रेसच्या अध्यक्षा प्रतिभा सिंह यांना मुख्यमंत्रीपदावर पाहण्याची इच्छा 18 टक्के लोकांना आहे.

जाणून घ्या इतिहास काय म्हणतो : गेल्या 37 वर्षांत राज्यात एकेकाळी भाजप आणि काँग्रेसला संधी मिळत आहे. 2017 च्या विधानसभा निवडणुकीत भाजपला 48.79% मते मिळाली, तर कॉंग्रेसला 41.68%, CPIM 1.47% आणि अपक्षांना 6.34% मते मिळाली. जागांचा विचार केला तर भाजपला 44, तर काँग्रेसला 21 जागा मिळाल्या.

Edited by: Rupali Barve