Morning Mantras : हिंदू धर्मात उपासना, व्रत आणि मंत्रांना खूप महत्त्व आहे. असे म्हटले जाते की जो मंत्रांचा नियमित जप करतो त्याच्या सर्व समस्या कमी होतात. या व्यतिरिक्त मंत्र देखील शक्तिशाली आणि प्रभावी मानले जातात कारण हिंदू मान्यतेनुसार काही मंत्र कोणत्या ना कोणत्या देवतेला समर्पित असतात. या कारणास्तव मंत्र पठण करताना, व्यक्तीचे मन शांत होते आणि त्याला सकारात्मक वाटते. शास्त्रात सकाळची वेळ सर्वोत्तम मानली आहे. या कारणास्तव जे लोक सकाळी उठल्याबरोबर मंत्रजप करतात किंवा चांगले विचार करतात ते दिवसभर सकारात्मक राहतात.
चला आता जाणून घेऊया सकाळी उठल्याबरोबर कोणते मंत्र जपावेत, ज्यामुळे माणसाला चांगले आणि शांत वाटते. तसेच त्याला सकारात्मक ऊर्जा जाणवेल.
ऊँ
धार्मिक मान्यतेनुसार ‘ॐ’ सर्वात शक्तिशाली मंत्र मानले गेले आहे. त्यामुळे जो कोणी सकाळी उठल्याबरोबर या मंत्राचा जप करतो त्याला मानसिक शांतीसोबतच शारीरिक शक्तीही मिळते. ‘ॐ’ उच्चारणाने मन शांत होते. एकाग्रताही वाढते.
गायत्री मंत्र
जर तुमचे मनही अशांत राहिल किंवा तुमच्या मनात नकारात्मक विचार येत असतील तर अशा स्थितीत तुम्ही 'गायत्री मंत्र' चा जप करू शकता. जे लोक नियमितपणे गायत्री मंत्राचा जप करतात त्यांना त्यांच्या सभोवती सकारात्मकता आणि चांगली ऊर्जा जाणवते.
महामृत्युंजय मंत्र
शिव पुराणात ’महामृत्युंजय मंत्र’ सबसे शक्तिशाली शिव मंत्र मानले गेले आहे. असे म्हणतात की जो कोणी या मंत्राचा रोज सकाळी जप करतो, त्यांच्या मनातून अकाली मृत्यूची भीती दूर होते. याशिवाय या मंत्राचा जप केल्याने व्यक्तीच्या जीवनातील सर्व समस्याही दूर होतात. याशिवाय मांगलिक दोष तसेच नाडी आणि कालसर्प दोषापासूनही आराम मिळतो.
लक्ष्मी मंत्र
सकाळी उठल्याबरोबरच ‘लक्ष्मी मंत्र- कराग्रे वसते लक्ष्मी, कराग्रे वसते लक्ष्मी, करमध्ये सरस्वती॥ करमूले तु गोविन्दः प्रभाते करदर्शनम॥’ उच्चारण करणे शुभ मानले गेले आहे. तुम्ही सकाळी उठल्याबरोबर तुमचे दोन्ही हात बघून या मंत्राचा उच्चार करू शकता. यामुळे तुमच्या घरात आणि कुटुंबात सुख, शांती आणि समृद्धी राहील. याशिवाय तुम्हाला कधीही पैशाची कमतरता भासणार नाही आणि तुमची बुद्धिमत्ता विकसित होईल. तसेच माता सरस्वतीचा आशीर्वाद तुमच्यावर राहील.
