मंगळवारी जेवणात डाळ आणि भाज्या निवडताना भारतीय धर्म, परंपरा, पौष्टिकता आणि चव यांचा विचार करता हे पर्याय उत्तम ठरू शकतात:
मंगळवारी शक्य तितक्या लाल रंगाच्या वस्तू वापरणे चांगले. कारण लाल रंग मंगळाशी संबंधित आहे जो जीवनात सकारात्मकता आणतो. ज्योतिषशास्त्रात मंगळ ग्रहाचा रंग लाल मानला जातो. मंगळ हा ऊर्जा, शक्ती आणि उत्साह यांचा कारक आहे. लाल रंगाचे पदार्थ खाणे मंगळाच्या सकारात्मक प्रभावाला बळ देण्यासाठी आणि त्याचे दोष कमी करण्यासाठी केले जाते.
लाल रंग मंगळाच्या अग्निमय स्वरूपाचे प्रतीक आहे, जे धैर्य आणि संरक्षणाशी जोडलेले आहे. तसेच मंगळवार हा मारुतीचा वार मानला जातो. हनुमानजींना लाल रंग प्रिय आहे, आणि त्यांना लाल रंगाचे सिंदूर अर्पण केले जाते. यामुळे लाल रंगाचे पदार्थ (उदा., लाल मसूर डाळ, टोमॅटोचे सूप, बीटाची भाजी) खाणे शुभ मानले जाते. असे पदार्थ खाणे हनुमानजींची कृपा आणि संरक्षण मिळवण्यासाठी केले जाते.
अशात तुम्ही मंगळवारी लाल डाळ खाऊ शकता. ते आरोग्यासाठी देखील खूप फायदेशीर आहे. मसूर डाळ पचायला सोपी आणि लोहाचा चांगला स्रोत आहे. मंगळवारी हलके जेवण हवे असल्यास मसूर डाळ उत्तम आहे.
तूर डाळ (आमटी/वरण): मसूर डाळ करणे शक्य होत नसेल तर तूर डाळीची आमटी किंवा वरण महाराष्ट्रीयन जेवणात लोकप्रिय आहे. यात तिखट-गोड चव असलेली मसालेदार डाळ बनवता येते. आपण टोमॅटो सूप, लाल चटणी, लाल तिखटाची आमटी हे देखील करु शकता.
भाज्यांमध्ये बीट, टोमॅटो, लाल भोपळा, गाजर याचा समावेश करावा. तर फळांमध्ये डाळिंब, लाल सफरचंद, चेरी याचे सेवन करावे.
मंगळवारी काहीजण हनुमानजींच्या उपासना किंवा उपवासासाठी सात्विक जेवणाला प्राधान्य देतात. अशा वेळी तेल-मसाले कमी वापरून साध्या पद्धतीने बनवलेली डाळ आणि भाजी निवडणे चांगले. जर उपवास करत असाल, तर लाल रंगाचे सात्विक पदार्थ बीटाची कोशिंबीर किंवा डाळिंब निवडा.
या व्यतिरिक्त गोडधोड करायचे असल्यास इमरती, गोड बुंदी किंवा बेसनाचे लाडू तयार करा. हे सर्व पदार्थ मारुतीरायाला खूप आवडतात.
मंगळवारी घराबाहेर पडताना काय खावे?
मंगळवार हा हनुमानजींचा दिवस आहे. या दिवशी बजरंगबलीची पूजा करून बाहेर जावे आणि गूळही खावा.
मंगळवारी काय खाऊ नये?
मंगळवारी हनुमानजींना भोग अर्पण करताना, दुधापासून बनवलेले मिठाई देऊ नका, कारण यामुळे हनुमानजी रागावू शकतात. त्याऐवजी त्यांना बुंदी किंवा बेसनाचे लाडू द्या, जे त्यांचे आवडते आहेत. मांस आणि मद्यपानापासून दूर रहा. जर तुम्ही हनुमानजींचे भक्त असाल तर मांस खाणे टाळणे महत्वाचे आहे.
अस्वीकारण: हा लेख ज्योतिष शास्त्रावर आधारित असून केवळ माहितीसाठी दिला जात आहे. ज्योतिषीय उपाय म्हणून लाल पदार्थ खात असाल, तर तज्ज्ञ ज्योतिषींचा सल्ला घ्यावा. वेबदुनिया याला दुजोरा देत नाही. या संदर्भात कोणतेही उपाय करण्यापूर्वी किंवा अधिक माहितीसाठी संबंधित तज्ञांचा सल्ला घ्या.
