80 च्या दशकात प्रसिद्ध अमेरिकन टीव्ही शो 'द कॉस्बी शो' मध्ये थियो हक्सटेबलची भूमिका साकारून प्रेक्षकांची मने जिंकणारे अभिनेता माल्कम-जमाल वॉर्नर यांचा कोस्टा रिकाच्या समुद्रकिनाऱ्यावर पोहताना समुद्रात बुडून अपघाती मृत्यू झाला.
कोस्टा रिकाच्या न्यायिक तपास संस्थेनुसार, रविवारी दुपारी वॉर्नर लिमोन प्रांतातील प्लेया ग्रांडे डे कोकालेस समुद्रकिनाऱ्यावर समुद्रात पोहत असताना ही घटना घडली. अचानक आलेल्या तीव्र समुद्राच्या प्रवाहाने त्याला खोल पाण्याकडे ओढले असे सांगण्यात येत आहे. समुद्रात बुडल्यानंतर, तेथे उपस्थित असलेल्या लोकांनी वॉर्नरला बाहेर काढले, परंतु आपत्कालीन सेवा म्हणजेच कोस्टा रिका रेडक्रॉस टीम पोहोचेपर्यंत त्याने शेवटचा श्वास घेतला होता. रुग्णालयात नेले असता डॉक्टरांनी त्यांना मृत घोषित केले.
माल्कम-जमाल वॉर्नर 1984 ते 1992 पर्यंत चालणाऱ्या लोकप्रिय सिटकॉम 'द कॉस्बी शो' मध्ये थियो हक्सटेबलची भूमिका साकारल्यानंतर प्रत्येक अमेरिकन घरात प्रसिद्ध झाला. तो या शोमध्ये डॉक्टर हक्सटेबलचा धाकटा मुलगा होता. थियोची भूमिका साकारणारा वॉर्नर केवळ एक उत्तम अभिनेता नव्हता तर नंतर दिग्दर्शक आणि निर्माता म्हणूनही त्याने आपली ओळख निर्माण केली.
माल्कम-जमाल वॉर्नरची बातमी पसरताच हॉलिवूड आणि टीव्ही इंडस्ट्रीमध्ये शोककळा पसरली. त्यांच्या सहकलाकारांनी आणि चाहत्यांनी सोशल मीडियावर त्यांना भावनिक श्रद्धांजली वाहिली.
