चित्रपट अभिनेत्री सोफिया लिओनी यांचे निधन झाले आहे. मिळालेल्या माहितीनुसार, आठवडाभरापूर्वी ती तिच्या अपार्टमेंटमध्ये मृतावस्थेत आढळली होती. 26 वर्षीय अभिनेत्रीच्या कुटुंबीयांनी फोनवर तिच्याशी संपर्क साधण्याचा प्रयत्न केला असता, कोणताही प्रतिसाद मिळाला नाही. अभिनेत्रीचे सावत्र वडील माईक रोमेरो यांनी याला दुजोरा दिला आहे. अभिनेत्रीचा मृत्यू कसा झाला याचा तपास सध्या सुरू आहे.
गेल्या काही महिन्यांत अनेक अभिनेत्रींच्या मृत्यूच्या घटना उघडकीस आल्यानंतर यासंदर्भात एक नवीन वाद सुरू झाला आहे. मीडिया रिपोर्ट्सनुसार, सोफिया गेल्या आठवड्यात तिच्या सोशल मीडिया प्लॅटफॉर्मवर सक्रिय दिसली होती, जिथे तिने काही पोस्ट अपलोड केल्या होत्या. सोफियाच्या सावत्र वडिलांनी फंडिंग पेजवर तिच्या मृत्यूची पुष्टी केली, ते म्हणाले, "तिच्या आई आणि कुटुंबाच्या वतीने, मला आमच्या प्रिय सोफियाच्या निधनाची बातमी सांगायची आहे. सोफियाच्या आकस्मिक मृत्यूने तिचे कुटुंब आणि मित्र उद्ध्वस्त झाले आहेत. खूप मोठा धक्का बसला."
"सोफिया 1 मार्च रोजी तिच्या अपार्टमेंटमध्ये बेशुद्ध अवस्थेत आढळून आली होती. स्थानिक पोलिस सध्या मृत्यूच्या कारणाचा तपास करत आहेत. गेल्या तीन महिन्यांतील प्रौढ स्टारचा हा चौथा मृत्यू आहे. याआधी कागनी ली वयाच्या अवघ्या 36 व्या वर्षी आत्महत्या करून तिने जगाचा निरोप घेतला होता.
