अफगाणिस्तानची राजधानी काबूलमध्ये भीषण स्फोट झाला आहे. या बॉम्बस्फोटात अनेकांचा मृत्यू झाल्याचे सांगण्यात येत आहे. वृत्तसंस्था एएनआयने टोलो न्यूजच्या हवाल्याने म्हटले आहे की, हा स्फोट काबूलच्या बतखाक स्क्वेअरमध्ये झाला. येथे एका कारमध्ये स्फोटक ठेवण्यात आले होते. या स्फोटकांचा स्फोट करण्यासाठी वापर करण्यात आला होता. माहिती मिळताच अग्निशमन दलाचे पथक घटनास्थळी पोहोचले. मदत आणि बचाव कार्य सुरू करण्यात आले आहे.
यापूर्वी 25 मे रोजी बाल्ख प्रांताच्या राजधानीत तीन स्फोट झाले होते. या स्फोटात सुमारे नऊ जणांचा मृत्यू झाला होता. यादरम्यान 15 जण गंभीर जखमी झाले आहेत. त्याच दिवशी म्हणजे 25 मे रोजी काबूल शहरातील शरीफ हजरत झकेरिया मशिदीतही स्फोट झाला होता. यामध्ये दोन जणांचा मृत्यू झाला. त्याचवेळी हजरत झकेरिया मशिदीत झालेल्या स्फोटात 30 जणांना आपला जीव गमवावा लागला होता.
तर, 29 एप्रिल रोजी काबूलमधील सुन्नी मशिदीवर झालेल्या हल्ल्यात किमान 10 लोक ठार झाले होते. येथे मोठ्या संख्येने अल्पसंख्याक सुफी समाजाचे लोक उपस्थित होते जे नमाज पठण करण्यासाठी जमले होते. 21 एप्रिल रोजी, मझार-ए-शरीफमधील शिया मशिदीत झालेल्या बॉम्बस्फोटात किमान 12 उपासक ठार आणि अनेक जण जखमी झाले.
