Publish Date: Mon, 02 Mar 2026 (21:10 IST)
Updated Date: Mon, 02 Mar 2026 (21:13 IST)
इराणमधून सध्याची मोठी बातमी येत आहे. काही दिवसांपूर्वी इस्रायल आणि अमेरिकेच्या संयुक्त हल्ल्यात सर्वोच्च नेते अयातुल्ला अली खामेनी यांचा मृत्यू झाला होता. या हल्ल्यात खमेनी यांच्या पत्नी मन्सूरेह खोजस्तेह बागेरजादेह देखील जखमी झाल्या होत्या आणि त्यांच्यावर रुग्णालयात उपचार सुरू होते.
मिळालेल्या ताज्या माहितीनुसार, अयातुल्ला अली खामेनी यांच्या पत्नी मन्सूरेह खोजस्तेह बागेरजादेह यांचाही उपचारादरम्यान मृत्यू झाला. इराणच्या तस्निम वृत्तसंस्थेनुसार, ज्या अमेरिकन-इस्रायली हल्ल्यात त्यांच्या पतीचा मृत्यू झाला त्याच हल्ल्यात जखमी झालेल्या सर्वोच्च नेते अली खामेनी यांच्या पत्नीचे निधन झाले आहे.
७९ वर्षीय मन्सूरेह खोजस्तेह बागेरजादेह यांचा जन्म इराणमधील मशहाद येथे झाला. त्या इस्लामिक रिपब्लिक ऑफ इराण ब्रॉडकास्टिंग (IRIB) चे माजी उपसंचालक हसन खोजस्तेह बागेरजादेह यांच्या बहिणी होत्या. अमेरिका आणि इस्रायलने हल्ला केला तेव्हा खामेनी यांच्या पत्नीही त्यांच्यासोबत तेहरानमधील खामेनींच्या कंपाऊंडमध्ये उपस्थित होत्या. त्याच दिवशी हल्ल्यात खामेनींचा मृत्यू झाला. खामेनींची मुलगी आणि जावई यांचाही मृत्यू झाला. इराणने अनेक आखाती देशांविरुद्ध आघाडीही उघडली आहे.
शनिवारी अमेरिका आणि इस्रायलने इराणमधील अनेक भागांवर हल्ला केला तेव्हा मध्यपूर्वेतील परिस्थिती गंभीर बनली, ज्यामध्ये सर्वोच्च नेते अयातुल्ला अली खमेनी यांच्या कार्यालयाचाही समावेश होता. रविवारी इराणचे सर्वोच्च नेते खमेनी यांचाही एका हल्ल्यात मृत्यू झाला. अमेरिकेचे अध्यक्ष डोनाल्ड ट्रम्प यांच्या मते, इराण आपल्या अणुकार्यक्रमावर काम करत आहे आणि अमेरिकेवर हल्ला करण्यास सक्षम क्षेपणास्त्रे विकसित करण्यात गुंतले आहे. एका व्हिडिओ संदेशात राष्ट्राध्यक्ष ट्रम्प यांनी इराणी जनतेला खमेनी राजवटीविरुद्ध उभे राहण्याचे आणि स्वतःचे सरकार स्थापन करण्याचे आवाहन केले.
