सोमवारी रात्री उशिरा उत्तर-पश्चिम तुर्कीमध्ये असलेल्या स्की रिसॉर्ट हॉटेलमध्ये लागलेल्या आगीत 10 लोकांचा मृत्यू झाला आणि 32 इतर जखमी झाले. जखमींना रुग्णालयात दाखल करण्यात आले आहे. अधिकाऱ्यांनी याबाबत माहिती दिली आहे.
बोलू प्रांतातील कार्तलकाया रिसॉर्टमधील हॉटेल रेस्टॉरंटमध्ये आग लागल्याचे गृहमंत्री अली येरलिकाया यांनी सांगितले. दूरचित्रवाणीवर दाखवलेल्या आगीच्या व्हिज्युअलमध्ये हॉटेलच्या छताला आणि वरच्या मजल्यांना आग लागली होती. आगीचे कारण अद्याप कळू शकले नाही.
सरकारी अनादोलू वृत्तसंस्थेने गव्हर्नर अब्दुलअजीझ आयदिनच्या हवाल्याने म्हटले आहे की, दोन जण घाबरून इमारतीवरून उडी मारून मरण पावले. काही लोकांनी चादरीच्या सहाय्याने त्यांच्या खोलीतून खाली उतरण्याचा प्रयत्न केला. आयदिनने सांगितले की हॉटेलमध्ये 234 पाहुणे थांबले होते.
हॉटेलमध्ये धुराचे लोट भरले होते, त्यामुळे पाहुण्यांना आगीतून बाहेर पडणे कठीण होत होते.
घटनास्थळी 30 ट्रक आणि 28 रुग्णवाहिका पाठवण्यात आल्या आहेत. खबरदारी म्हणून रिसॉर्टमधील इतर हॉटेल्स रिकामें करण्यात आले आहेत.
